EXODUS 9:29 - Lai (Hakha) Common Language Bible 2006

²⁹ Cun Moses nih amah cu, “Khuapi chungin ka chuah cangka tein Bawipa sinah ka kut ka va hler lai. Vawlei hi Bawipa ta a si ti kha na hngalh naklai khuari cu a dai lai i rial cu a dih lai.

EXODUS 9:29 ပူးပေါင်းရင်းမြစ်များ

1 SIANGPAHRANG 8:22

Cun Solomon cu Bawipa biakṭheng hmaiah khan Israel mi aa pummi vialte hna hmuh ah cun a dir i van leiah a kut a phar hna i,

1 SIANGPAHRANG 8:38

Israel mi nih an dihlak in siseh, ahopaoh nih siseh, zei bantuk thlacamnak zong si ko seh, zei bantuk nawlnak zong si ko seh, an tuah i an lung chung cio in hremnak an inmi kha an hngalh i hi inn leiah hin an kut an zau hna ahcun,

EZRA 9:5

Cun zanlei raithawinak caan ah khan ka puan le ka angki tlek he cun rawl ka ulhnak khan ka hung tho i ka khuk kaa bil i Bawipa ka Pathian sinah cun ka kut ka samh hna i:

JOB 11:13

“Na lungthin kha ding tein chia law Amah leiah khan na kut zao tuah.

SALM 135:6

Vancung ah siseh, vawlei cungah siseh, rili chungah siseh, rili tangah siseh, a duhmi paoh kha a tuah ko.

SALM 143:6

Nangmah leiah thlacam in ka kut cu ka hler hna; vawlei car nih ti a ngaih bantuk khin ka nunnak nih nangmah cu an ngai.

SALM 50:12

“Ka rawl ṭam seh law kan chim hna lai lo, zeicahtiah vawlei le a cung i a ummi thil vialte cu keimah ta an si dih.

EXODUS 19:5

Cucaah ka nawlbia kha nan ngaih i ka biakamnak kha nan zulh ahcun, ka mi hrimhrim nan si lai. Vawlei hi a dihlak in ka ta a si, asinain, ka thimmi miphun cu nanmah hi nan si lai.

EXODUS 20:11

Ni ruk chungah Bawipa nih van le vawlei le rili le an chung i a ummi thil vialte kha a ser hna i ni sarih ni ah cun aa din. Cucaah cun Bawipa nih dinh ni cu thluachuah a pek i amah ca rian ṭuannak caah a duh.

EXODUS 8:22

Cu ni ah cun ka mi hna umnak Goshen ram kha cu ka zuah lai i cuka ah cun tho pakhat hmanh an um lai lo, zeicahdah cuticun a si lai ti ahcun, Faro nih keimah Bawipa nih hi ram ah rian ka ṭuan kha a hngalh khawh nakhnga caah a si lai.

EXODUS 8:6

Cucaah Aaron nih cun a ṭhiangṭhunh cu ti cungah khan a hler i utlak kha an chuak ciammam i ram kha a khah in an khat.

EXODUS 9:33

Moses nih Faro cu a kaltak i khuapi chung khan a chuak. Thlacamnak in Bawipa sinah a kut kha a hler i khuari le rial kha an dih i ruah kha a dong.

ISAIAH 1:15

“Thlacam in nan kut nan hler tikah kan zoh duh hna lai lo. Zeizat tam hmanh in cam u law kan ngaihpiak hna lai lo, zeicahtiah nan kut ah thisen aa neh.

1 KORIN 10:26

Zeicahtiah Cathiang zong nih pei, “Vawlei le a cung i a ummi thil vialte cu Bawipa ta an si,” a ti cu.

1 KORIN 10:28

Sihmanhsehlaw pakhatkhat nih, “Hi rawl hi siasal dohdanghnak rawl a si,” tiah an chimh ahcun, an chimtupa ruangah le chiaṭha thleidannak ruangah, cu rawl cu va ei hlah.

DEUTERONOMI 10:14

Zohhmanh, a sang bik van hna le, vawlei le a chungah a ummi thil vialte hi, Bawipa na Pathian ta an si dih;