Na inn le na bawi pawl inn le na mi hna inn kha an khat lai. Na pu na pa hna nih hi ram i an rat hramthawk in an hmuhmi thil vialte lakah hi tlukin a chiami cu a um lai lo,’ a ti,” tiah an chimh. Cun aa mer i Faro cu a chuahtak.
Ngai hmanh, thaizing atu tikah hin rial ngan pipi ka tlakter ciammam lai i cu bantuk rial cu Izipt ram a thawhkehnak in ahohmanh nih an hngalh bal lomi rial an si lai.
Cucaah Moses nih a ṭhiangṭhunh kha van leiah a hler i Bawipa nih cun khua a ritter, rial le ṭek kha vawlei ah an tla. Bawipa nih rial cu Izipt ram cungah khan a tlakter.
Izipt ram chung dihlak ah khan leng i a ummi paoh cu minung he saṭil he rial nih cun a den dih hna. Lo chung thlai kung vialte kha a den dih hna i thingkung vialte kha a khiah dih hna.
Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.
Khua ka hei cuan i zohhmanh, chaklei in ṭotho pakhat a rung hran kha ka hmuh; cu ṭotho sinah cun khuadawm nganpi pakhat a um i cu khuadawm cu ceunak nih a kulh i a chungah cun dar bantukin a tleumi ceunak a um.
Cucaah hihi Bawipa Pathian bia a si: Zeizong vialte kha a rawh dih hlantiang, ka thin nan ka phawh caah thli chia kha ka hranter lai, ka thin hun in ruahpi fak piin ka surter lai i ka thinlinh in lung tlukin a hakmi rial kha ka tlakter hna lai.
Zeicahtiah khi caan ah cun vawlei hramthawk in nihin ni tiangah a ummi harnak a zeihmanh nakin a let tampi in a fak deuhmi harnak kha a um lai. Cu bantuk harnak cu a um zong a um ti lai lo.