EXODUS 9:23 - Lai (Hakha) Common Language Bible 2006

²³ Cucaah Moses nih a ṭhiangṭhunh kha van leiah a hler i Bawipa nih cun khua a ritter, rial le ṭek kha vawlei ah an tla. Bawipa nih rial cu Izipt ram cungah khan a tlakter.

EXODUS 9:23 ပူးပေါင်းရင်းမြစ်များ

GENESIS 19:24

Bawipa nih Sodom le Gomorrah cungah cun kat mei kha a surter i

JOB 37:13

Chimhhrinnak caah maw, a ram ṭhatnak ding caah maw, dawtnak caah dik, Amah nih mah cucu a umter ko.

SALM 147:17

Rial cu lung tekem bangin a tlakter; kihnak a run thlahmi cu ahohmanh nih an celh lo.

SALM 148:8

Nimtlau le rial, hawhra le khuadawm, a nawl a ngaimi thlichia, nannih nih Bawipa cu thangṭhat ko u!

SALM 18:13

Cun Bawipa cu vancung in khuari bantukin a rung ri i Cung Nung Bik aw cu a rung thang.

SALM 29:3

Bawipa aw cu rili cungah a thang, a sunglawimi Pathian cu khuari bantukin a ri i a aw cu rili cungah khan a thang dih.

SALM 77:18

Khuari thawng cu a tor in a tor i nimtlau nih vawlei kha a ceuh dih; vawlei cu a hninh in aa hnin.

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

EXODUS 20:18

Mi zapi nih khan khuari thawng le tuukawng ki muko aw thawng kha an theih i nimtlau le tlang cung meikhu kha an hmuh hna tikah, a ther in an ther i lamhlat piin an dir.

EXODUS 9:18

Ngai hmanh, thaizing atu tikah hin rial ngan pipi ka tlakter ciammam lai i cu bantuk rial cu Izipt ram a thawhkehnak in ahohmanh nih an hngalh bal lomi rial an si lai.

EXODUS 9:24

Rial fak piin a tla i nimtlau kha a kenkip ah a lek; Izipt ram a thawhkehnak in Izipt ram cungah cu bantuk thlichia cu a um bal rih lo.

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

EZEKIEL 38:22

Ral le thisen chuahnak he biaceihnak ah ka chuahpi lai; a cungah khan a tuk ngaingaimi ruahpi ka surter lai i lung tlukin a hakmi rial le mei le kat cu amah le a ralkapbu hna le amah sinah a ummi mi tampi hna cungah khan ka tlakter lai.

JOSHUA 10:11

Cun Israel mi hmai i an zaam i Beth-horon i hung kainak in an va liam lioah khin Bawipa nih Azekah tiang vancung in lung ngan pipi a thlakhnawh hna i an thi; Israel mi nih nam in an thahmi hna nakin rial in a thimi cu an tam deuh.

BIAPHUAN 16:18

Nimtlau a lek, khua a ri, ṭek a tla i ṭihnung ngaingai in li aa hnin. Minung ser hramthawk in cu bantuk lihnin cu a um bal lo; lihnin vialte lakah lihnin fak bik a si.

BIAPHUAN 16:21

Rial ngan pipi, pawng za khat tiang a ritmi kha van in minung cungah an tla. Cun mi nih rial in hremnak an in ruangah cun Pathian kha an thangchiat, an inmi hremnak cu a fak hringhranmi a si ko.

BIAPHUAN 8:7

Vancungmi pakhatnak nih khan a muko cu a vun tum, rial le mei, thisen he aa cawhmi a sur in vawlei cungah an sur. Vawlei cheu thum cheu khat kha a kang dih, thingkung cheu thum cheu khat kha an kang i ram hring vialte kha an kang dih.