EXODUS 9:14 - Lai (Hakha) Common Language Bible 2006

¹⁴ Atu cu dantatnak vialte kha keimah hrimhrim nih nangmah cung le na bawi pawl cung le na mi hna cungah ka tlunter lai, cu ti in ka tuah lai cu vawlei cung dihlak ah hin keimah bantuk pathian dang ahohmanh an um lo ti kha na hngalh nakhnga caah a si.

EXODUS 9:14 ပူးပေါင်းရင်းမြစ်များ

2 SAMUEL 7:22

Cucaah nangmah cu na ngan ko, maw Bawipa Pathian; zeitintiah kannih nih kan hna in kan theihmi vialte ah nangmah bantuk an um lo i nangmah hleiah Pathian dang zeihmanh an um lo.

1 SIANGPAHRANG 8:38

Israel mi nih an dihlak in siseh, ahopaoh nih siseh, zei bantuk thlacamnak zong si ko seh, zei bantuk nawlnak zong si ko seh, an tuah i an lung chung cio in hremnak an inmi kha an hngalh i hi inn leiah hin an kut an zau hna ahcun,

1 CHANRELNAK 17:20

Kannih nih kan hna in kan theihmi vialte ah nangmah bantuk ahohmanh an um lo, maw Bawipa, nangmah hleiah Pathian dang an um ti lo.

SALM 86:8

Bawipa, nangmah bantuk pathian dang ahohmanh an um lo, nangmah tuahmi bantuk a tuah khomi pakhat hmanh an um lo.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

EXODUS 8:10

Faro nih cun, “Thaizing ah,” tiah a leh. Cun Moses nih, “Asi, na chim bantukin a si lai, zeicahtiah Bawipa kan Pathian bantuk hi pathian dang ahohmanh an um lo ti kha na hngalh nakhnga,” a ti.

EXODUS 8:6

Cucaah Aaron nih cun a ṭhiangṭhunh cu ti cungah khan a hler i utlak kha an chuak ciammam i ram kha a khah in an khat.

EXODUS 9:15

Nangmah le na mi hna cung i rai tlunter awkah ka kut kha rak samh ning law nan rak lo dih cikcek cang hnga.

ISAIAH 45:5

“Keimah cu Bawipa ka si, Pathian dang an um lo. Nang nih cun na ka hngal lo nain na herhmi thazang kha kan pek lai.

ISAIAH 46:9

Hlanpi ah a rak ummi thil kha philh hlah u; keimah lawnglawng Pathian ka si le keimah bantuk a dang pathian ahohmanh an um lo kha hngal peng u.

JEREMIAH 10:6

Maw Bawipa, nangmah bantukin ahohmanh an um lo, Nangmah cu na lianngan ko, Na min cu a lianngan i a ṭhawng.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JEREMIAH 19:8

Cun hi khua hi mi thla a hlauhmi khua le cekcekhnawh thluahmah awk khua ah ka ser lai; a cung i ṭhat lonak a tlungmi vialte ruangah hin a pawng i a kalmi paoh cu an thla a hlauh hna lai i an cekcek len lai.

DANIEL 5:21

Amah cu minung hna sin khan ṭhawl a si i a lungthin cu saram lungthin bantuk ah khan a cang, ramlak laa hna sinah khan khua a sa i cawtum bantukin ram kha a ei i a pum cu van dap nih cin cikcek in a tlak, cuticun Cung Nung Bik Pathian cu minung pennak cungah hin bawi a si i cu pennak a pengtu dingah cun a duhmi paoh kha a chiah hna ti a hngalh hlantiang, cuticun a um.

LEVITIKAS 26:18

Cun mah hi ti, ti zong i ka bia nan ngaih ṭhiamṭhiam lo ahcun nan sualnak ruangah a let sarih in kan chimhhrin rih hna lai i,

LEVITIKAS 26:21

“Cun keimah ralchanh in nan kal i ka bia nan ngaih lo ahcun, nan cung ah hremnak, nan sualnak nakin a let sarih tam in ka tlunter lai.

LEVITIKAS 26:28

keimah zong thinhun in nanmah ralchanh in ka kal ve lai i keimah hrimhrim nih nan sualnak caah khan a let sarih in kan chimhhrin hna lai.

MIKAH 6:13

Cucaah atu cu nan sualnak ruangah nan rawhnak ding kha ka thawk cang.

DEUTERONOMI 3:24

‘Maw Bawipa Pathian, nangmah na salpa hi na lianhngannak le a ṭhawngmi na kut hmuhsak kha a thawk lawng na thawk rih, zeitintiah nangmah tuahmi thil bantuk le khuaruahhar na sermi bantuk a tuah khotu pathian, van ah siseh, lei ah siseh, ahodah a um?

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

BIAPHUAN 18:8

Hi ruangah hin hremnak nih khan ni khatte ah an tlakphuat lai, rai le ngaihchiatnak le mangṭam nih khan a tlakphuat lai. Amah bia a ceihtu Bawipa Pathian cu a ṭhawngmi a si caah Amah cu mei in khangh a si lai,” a ti.

BIAPHUAN 22:18

Keimah Johan nih hi cauk chung i aa ṭialmi profet bia a theimi paoh kha ralrinnak kan pek hna: hi bia ah ahohmanh nih bia dang a chap ahcun, hi cauk chungah aa ṭialmi hremnak kha a dantatnak ah Pathian nih a chap lai.

1 SAMUEL 4:8

Belo kan si ai! Aho nih dah hi a ṭhawngmi khuazing hna ṭhawnnak chung hin a kan chuah khawh lai? Hi hna hi ramlak ah Izipt mi hna kha rai phunphun in a thattu khuazing an si.