EXODUS 8:4 - Lai (Hakha) Common Language Bible 2006

⁴ Nangmah siseh, na mi si hna seh, na bawi pawl si hna seh an in kaihnawh hna lai,” a ti,’ tiah va chim,” tiah a ti.

EXODUS 8:4 ပူးပေါင်းရင်းမြစ်များ

1 SIANGPAHRANG 13:6

Cun siangpahrang nih Pathian mi cu a thawh i, “Bawipa na Pathian cu ka nawlpiak law, thla ka campiak tuah, ka kut hi a dam ṭhan nakhnga,” tiah a ti. Cun Pathian mi nih Bawipa cu a nawl i siangpahrang cu a kut kha a dam ṭhan i hmasa i bantuk kha a si ṭhan.

SALM 107:40

anmah a hremtu hna kha ningzahnak a phakter hna i sul le lam a um lonak thetse ram ah khan a vaihter hna.

EXODUS 10:17

Cucaah atu voi khatte hi cu, ka sualnak kha ka ngaithiam u law hi thihnak dantatnak hi Bawipa nan Pathian nih a ka ṭhialpiak nakhnga amah sinah cun thla ka campiak u,” a ti hna.

EXODUS 8:24

Cuticun Bawipa nih a tuah taktak i tho cu bu ngan pipi in Faro siangpahrang inn le a bawi pawl inn le Izipt ram dihlak ah cun an lut i ram cu tho nih cun a hrawh dih.

EXODUS 8:3

Tiva cu utlak in a khat lai i tiva cu an kaltak lai i na inn chungah an lut lai; na ihnak khaan le na ihkhun le na bawi pawl inn le na mi hna inn ah khan an lut lai; na tappi le na changreu sernak kheng chung tiangin an lut lai.

EXODUS 8:5

Cun Bawipa nih Moses cu, “Aaron kha, ‘Na ṭhiangṭhunh cu tiva cung le tilak cung le tidil cungah khan hler law Izipt ram chungah khan utlak kha chuak hna seh,’ tiah chim,” a ti.

EXODUS 9:28

Bawipa sinah cun thlacam u; hi khuari le rial hi kan ing kho ti hna lo. Nan kal lai, tiah bia kan kam hna, sau nan hngah a hau ti lai lo,” a ti.

ISAIAH 19:11

Zoan khua chung haotu hna cu mihrut an si! Cun Izipt ram mifim bikbik hna nih lungthin an cheuhmi hna cu hruh bia men a si. Kannih cu hlanlio siangpahrang hna le mifim hna an ro a cotu kan si tiah zeitindah siangpahrang cu an chimh ngam?

ISAIAH 19:22

Bawipa nih Izipt mi cu dan a tat hna lai, sihmanhsehlaw a damter ṭhan hna lai. Annih nih amah leiah khan an i mer lai i an thlacamnak kha a theihpiak hna lai i a damter hna lai.

ISAIAH 23:9

Ralkapbu Bawipa a si! An tuahmi an i porhlawtnak kha donghter awkah le upatmi an mi hna kha ningzahnak ah phakter awkah Bawipa nih hi thil hi a tuah.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

NAMBAR 21:7

Cun annih nih Moses sinah an ra i, “Bawipa le nangmah kha kan in mawhchiat hna caah kan sual cang; kannih sinin rul kha a lak hna nakhnga, Bawipa sinah thlacam tuah,” tiah an ti. Cucaah Moses nih annih caah thla a cam.