EXODUS 8:29 - Lai (Hakha) Common Language Bible 2006

²⁹ Moses nih cun, “Thaizing ah tho nih hin nangmah le na bawi hna le na mi hna kha an in kaltak hna nakhnga, ka kal cangka hin Bawipa sinah thla ka va cam lai. Asinain hlen cu na kan hleng ti hnga lo, Bawipa sin i raithawinak va tuah awkah mi cu kalter loin na thlauh ti hna hnga lo,” a ti.

EXODUS 8:29 ပူးပေါင်းရင်းမြစ်များ

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

EXODUS 8:15

Faro nih thil cu a hung ṭha deuh ṭhan ti kha a hmuh tikah a lung a hak ṭhan i Bawipa nih a rak chim bantukte khan Moses le Aaron cu an bia ngaih kha a duh ṭhan hna lo.

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

EXODUS 9:30

Asinain nangmah le na bawi pawl nih Bawipa Pathian cu nan ṭih rih lo ti kha ka hngalh,” a ti.

JEREMIAH 42:4

Khi tikah profet Jeremiah nih cun annih cu, “Nan bia cu ka theih cang; nan duhnak bangin Bawipa nan Pathian sinah cun thla ka cam lai i Bawipa nih an leh hnanak paoh kha kan chimh hna lai; zeihmanh kan phehmi hna a um lai lo,” tiah a ti.

GALATI 6:7

Nanmah le nanmah i hleng hlah u; ahohmanh nih Pathian cu an deh kho lo. Mi nih a tuhmi cu a zun ko lai.