EXODUS 8:27 - Lai (Hakha) Common Language Bible 2006

²⁷ Cucaah cun Bawipa kan Pathian nih a kan fial bantukin thetse ram chung ni thum lamkal ah kan kal hrimhrim awk a si lai i cuka ah cun Bawipa kan Pathian sinah khan rai cu kan vaa thawi lai,” a ti.

EXODUS 8:27 ပူးပေါင်းရင်းမြစ်များ

EXODUS 10:26

Kan saṭil cu kan sinah an kal ve hrimhrim a hau; pakhat hmanh kan kaltak hna lai lo. Bawipa kan Pathian biaknak caah cun saṭil kha kan thim hna a hau lai i cuka kan va phak hlanah cun kanmah hrimhrim zong nih Bawipa biaknak caah zei hi dah kan hman hna lai ti kha kan hngal rih lai lo,” a ti.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

EXODUS 3:18

Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, ‘Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,’ nan va ti lai.

EXODUS 34:11

Nihin ah kan pek hna laimi nawlbia hi zul hna u. Nan hmai in Amor mi le Kanaan mi le Hit mi le Periz mi le Hiv mi le Jebus mi kha ka ṭhawl hna lai.

EXODUS 5:1

Moses le Aaron cu Faro sinah khan an va kal i Faro cu, “Bawipa, Israel Pathian nih, ‘Ka mi hna cu, thetse ram ah biaknak puai an tuah khawh nakhnga, kalter hna seh,’ aan ti,” tiah an ti.

EXODUS 5:3

Annih nih, “Hebru mi Pathian nih khan a kan ton. Bawipa kan Pathian sinah cun raithawinak kan tuah khawh nakhnga, ni thum lamkal ah thetse ram ah cun kan kalter ko. Kan kal lo ahcun rai in maw asiloah ral in maw a kan thah sual lai,” an ti.

LEVITIKAS 10:1

Cun Aaron fapa Nadab le Abihu nih an meilaknak kheng cu an i lak veve i a chungah mei an chiah i a cungah zihmui an phulh i Bawipa hmaiah a thiang lomi mei cu an thawi, nawl a pek lomi hna kha an tuah.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.