EXODUS 8:26 - Lai (Hakha) Common Language Bible 2006

²⁶ Moses nih khan, “Cucu a ṭha lai lo, zeicahtiah Bawipa kan Pathian sin i rai i kan thawimi saṭil hna kha Izipt mi nih hin an fih hna lai. Izipt mi nih an fihmi saṭil kha kan hman hna i an mit hmuh i kan thawi hna ahcun, lung in thi lakin an kan cheh lai.

EXODUS 8:26 ပူးပေါင်းရင်းမြစ်များ

GENESIS 43:32

Josef cu amah dang tein an pek, cun a unau pawl cu cabuai a dang pakhat ah an pek hna i Josef sinah rawl a eimi Izipt mi cu anmah dang tein an pek ve hna, zeicahtiah Izipt mi nih cun Hebru mi he rawl ei ṭi cu ningzak ah an rel.

GENESIS 46:34

‘Kannih cu bawipa, kan pupa nih an rak tuah tawn bangin kan no lio tein saṭil zohkhenh kan si,’ nan ti lai. Cu ti nan ti ahcun Goshen ram ah hin nan um kho lai,” a ti hna. Hi bangin a chimh hna cu Izipt mi nih khan tuukhal paoh cu an duh hna lo caah a si.

2 SIANGPAHRANG 23:13

Jerusalem nichuahlei, rawhralnak tlang in thlanglei i a ummi khuahrum bo hna kha siangpahrang nih cun a thurhnawmhter hna; mah cucu Israel siangpahrang Solomon nih Sidon mi pathian fihnung Ashtoreth le Moab mi pathian fihnung Khemosh le Ammon mi pathian fihnung Milkom ca i a sermi kha an si.

EZRA 9:1

Hi thil hi tuah dih an si tikah, bawi hna nih cun an ka fuh i, “Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

EXODUS 3:18

Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, ‘Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,’ nan va ti lai.

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

ISAIAH 44:19

Siasal a sertu nih, “Thing cu, a cheu mei tih awkah ka hman. Cun mei ah cun rawl le sa ka chuan hna i ka ei hna. Cun thing kha a tangmi cu siasal ah ka ser i cu thingtan hmaiah cun atu hi ka kun,” ti ruah awk a hngal lo.