EXODUS 8:25 - Lai (Hakha) Common Language Bible 2006

²⁵ Cun Faro nih khan Moses le Aaron kha a auh hna i, “Va kal u law hi ram chungah hin nan Pathian sinah cun raithawinak cu va tuah u,” a ti.

EXODUS 8:25 ပူးပေါင်းရင်းမြစ်များ

EXODUS 10:16

Cu tikah Faro nih Moses le Aaron kha khulrang in a auh hna i, “Bawipa nan Pathian cung le nanmah cungah ka sual cang.

EXODUS 10:24

Faro nih cun Moses kha a kawh i, “Bawipa biak ah cun va kal u, nan nu pawl le nan ngakchia hna zong kal ve hna seh, asinain nan tuu le nan meheh le nan caw bel hika ah hin nan chiahtak hna lai,” a ti.

EXODUS 10:8

Cucaah Moses le Aaron cu Faro sinah khan an ratpi ṭhan hna i annih cu a thawh hna i, “Nan kal lai i Bawipa nan Pathian cu nan va biak lai. Asinain ahodah a kal ding cu nan si lai?” a ti.

EXODUS 12:31

Cu zan ṭhiamṭhiam ah cun Faro nih khan Moses le Aaron cu a auh hna i, “Nanmah le Israel mi hna cu khulrang in chuak u. Ka mi kha kaltak hna u law nan ti bangin nan Pathian cu va bia u.

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

EXODUS 9:27

Faro nih Moses le Aaron kha a auhter hna i, “Tutan cu keimah ka sual; Bawipa cu ahmaan i kei le ka mi hna cu kan palh.

EXODUS 9:28

Bawipa sinah cun thlacam u; hi khuari le rial hi kan ing kho ti hna lo. Nan kal lai, tiah bia kan kam hna, sau nan hngah a hau ti lai lo,” a ti.

ISAIAH 28:22

Ralrinnak kan pekmi hna hi nan nih men chuak hlah seh. Nan nih a chuah ahcun nan caah luatnak a har chinchin lai. Ralkapbu Bawipa nih ram cu a dihlak in ka hrawh lai a timi kha ka theih cang.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.