EXODUS 8:22 - Lai (Hakha) Common Language Bible 2006

²² Cu ni ah cun ka mi hna umnak Goshen ram kha cu ka zuah lai i cuka ah cun tho pakhat hmanh an um lai lo, zeicahdah cuticun a si lai ti ahcun, Faro nih keimah Bawipa nih hi ram ah rian ka ṭuan kha a hngalh khawh nakhnga caah a si lai.

EXODUS 8:22 ပူးပေါင်းရင်းမြစ်များ

GENESIS 46:34

‘Kannih cu bawipa, kan pupa nih an rak tuah tawn bangin kan no lio tein saṭil zohkhenh kan si,’ nan ti lai. Cu ti nan ti ahcun Goshen ram ah hin nan um kho lai,” a ti hna. Hi bangin a chimh hna cu Izipt mi nih khan tuukhal paoh cu an duh hna lo caah a si.

SALM 110:2

Zion in a rami Bawipa nih, uknak nawl cu an pek tikah, “Na ral cu uk hna,” an ti lai i na nawl ngeihnak cu hmun dang tiangin a karh lai.

SALM 74:12

Pathian, a hramthawk tein nangmah cu kan siangpahrang na si i vawlei cungah hin nangmah nih ral kha na tei hna.

EXODUS 10:23

Izipt mi cu pakhat le pakhat an i hmu kho lo i ni thum chung ahohmanh an inn in a chuak kho an um lo. Asinain Israel mi an umnak ah khan cun ceunak a um ko.

EXODUS 12:13

Thisen hi nannih nan umnak inn hmelchunhnak a si lai. Thisen kha ka hmuh tikah nannih cu kan lanhtak hna lai i Izipt ram ka hrem tikah dantatnak nih a chuahtermi rawhralnak cu nan cungah a tlung lai lo.

EXODUS 19:5

Cucaah ka nawlbia kha nan ngaih i ka biakamnak kha nan zulh ahcun, ka mi hrimhrim nan si lai. Vawlei hi a dihlak in ka ta a si, asinain, ka thimmi miphun cu nanmah hi nan si lai.

EXODUS 20:11

Ni ruk chungah Bawipa nih van le vawlei le rili le an chung i a ummi thil vialte kha a ser hna i ni sarih ni ah cun aa din. Cucaah cun Bawipa nih dinh ni cu thluachuah a pek i amah ca rian ṭuannak caah a duh.

EXODUS 7:17

Cucaah Bawipa chimmi cu, “Ka tuah laimi thil thawng hin Bawipa ka si cu na hngalh lai,” ti hi a si. Zohhmanh, hi ṭhiangṭhunh hin tiva ti kha ka tuk lai i thisen ah a cang lai.

EXODUS 7:5

Izipt mi nih cun an cung i ka kut ka hler tik le Israel mi kha an ram chungin ka chuahpi hna tikah, keimah cu Bawipa ka si kha an hngalh lai,” a ti.

EXODUS 8:10

Faro nih cun, “Thaizing ah,” tiah a leh. Cun Moses nih, “Asi, na chim bantukin a si lai, zeicahtiah Bawipa kan Pathian bantuk hi pathian dang ahohmanh an um lo ti kha na hngalh nakhnga,” a ti.

EXODUS 8:21

Ka mi cu a kalter hna lo ahcun amah le a bawi hna le a inn hna cungah tho ka tlunter hrimhrim hna lai. Izipt mi vialte an inn cung dihlak ah ka tlunter lai, cun an dirnak vawlei hmanh kha tho in ka khahter lai.

EXODUS 8:23

A mi le ka mi cu ka thleidan hna lai. Cun hi khuaruahharmi thil hi thaizing ah a tlung lai,” tiah nangmah cu an ti,’ tiah va chim,” tiah a ti.

EXODUS 9:26

Israel mi an umnak Goshen ram lawnglawng kha rial a tlak lonak hmun cu a si.

EXODUS 9:29

Cun Moses nih amah cu, “Khuapi chungin ka chuah cangka tein Bawipa sinah ka kut ka va hler lai. Vawlei hi Bawipa ta a si ti kha na hngalh naklai khuari cu a dai lai i rial cu a dih lai.

EXODUS 9:4

Israel mi hna saṭil le Izipt mi hna saṭil kha ka thleidan hna lai i Israel mi ta a simi cu pakhat hmanh an thi lai lo.

EXODUS 9:6

A thaizing ah Bawipa nih a chim bantuk cun a tuah taktak i Izipt mi saṭil vialte cu an thi dih, sihmanhsehlaw Israel mi hna saṭil cu pakhat hmanh an thi lo.

EZEKIEL 30:19

Cuticun Izipt ram cungah khan biaceihnak ka tuah lai i Annih nih Bawipa ka si kha an hngalh lai.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.