EXODUS 8:15 - Lai (Hakha) Common Language Bible 2006

¹⁵ Faro nih thil cu a hung ṭha deuh ṭhan ti kha a hmuh tikah a lung a hak ṭhan i Bawipa nih a rak chim bantukte khan Moses le Aaron cu an bia ngaih kha a duh ṭhan hna lo.

EXODUS 8:15 ပူးပေါင်းရင်းမြစ်များ

EXODUS 14:5

Izipt siangpahrang Faro cu, Israel mi kha an kal cang, tiah an chimh tikah, amah le a bawi pawl cu ruahnak dang an hun ngei ṭhan i, “Zeidah kan rak tuah? Israel mi cu kan sal an sinak chung khan kan luatter hna ai!” an ti.

EXODUS 4:21

Bawipa nih Moses cu a thawh i, “Atu cu Izipt ram ah na kir lio cang, na tuah khawh lai kan timi khuaruahharmi thil vialte kha Faro hmaiah na tuah hna lai. A lung ka ṭhawnter lai i mi cu kalter a duh hna lai lo.

EXODUS 7:4

na bia a ngai duh lai lo. Cu tikah ka ṭhawnnak cu Izipt ram ah khan ka langhter lai i Izipt mi kha fak piin dan ka tat hna lai; cun ka ralkapbu, Israel mi kha Izipt ram cun ka chuahpi hna lai.

EXODUS 8:14

Izipt mi nih cun a pon in an pon hna i ram cu a thut in a thu.

EXODUS 8:16

Bawipa nih Moses cu, “Aaron kha, ‘Na ṭhiangṭhunh in vawlei kha tu law leidip kha fikfa ah an i cang lai i Izipt ram kha an khat lai,’ tiah chim,” a ti.

EXODUS 8:28

Faro nih cun, “Lamhlapi nan kal lo ding ahcun, thetse ram ah khan Bawipa nan Pathian sin i raithawi awkah cun kan kalter ko hna lai. Thla ka campiak tuah u,” a ti hna.

EXODUS 8:29

Moses nih cun, “Thaizing ah tho nih hin nangmah le na bawi hna le na mi hna kha an in kaltak hna nakhnga, ka kal cangka hin Bawipa sinah thla ka va cam lai. Asinain hlen cu na kan hleng ti hnga lo, Bawipa sin i raithawinak va tuah awkah mi cu kalter loin na thlauh ti hna hnga lo,” a ti.

EXODUS 8:32

Sihmanhsehlaw cu caan tiang zongah cun Faro cu a lung a hak ṭhan i mi kha a kalter duh hna lo.

EXODUS 8:8

Faro nih Moses le Aaron kha a auh hna i, “Bawipa sinah cun thlacam u law ka mi hna sin hin utlak hi la hna seh, cun nan mi hna cu Bawipa sinah raithawinak an pekchanh khawh nakhnga ka kalter hna lai,” a ti.

PHUNGTHLÛKBIA 26:11

A hruhnak a nolh ṭhan lengmangmi mihrut cu, A luak a kirhnawh ṭhantu uico bantuk a si.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

ISAIAH 26:10

Nang nih cun miṭhalo kha na zaangfah ko hna nain, dinnak tuah kha an cawng duh hlei lo. Miding mi an umnak ram hmanh ah hin ṭhat lonak kha an tuah ṭhiamṭhiam ko, na lianhngannak kha an hngal duh hlei lo.

HOSEA 6:4

Maw Efraim, zeitindah kan tuah lai? Maw Judah zeitindah kan tuah lai? Na dawtnak hi zinglei minmei bantuk, a ṭian zaumi dap bantuk ceo a si.

HEBRU 3:15

Cathiang nih a chimmi cu hihi a si: “Nihin ah Pathian aw kha nan theih ahcun Nan pupa hna nih Pathian an rak doh i an lung an rak ṭhawn bantuk khan, lung ṭhawng in um hlah u.”

HEBRU 3:8

Nan pupa hna nih Pathian kha an rak doh i thetse ram i an rak hneksak bantuk khan um hlah u;

BIAPHUAN 16:9

Ni lin nih cun mi kha a kangh hna i hi hremnak cung i nawl a ngeitu Pathian min kha an thang chiat. Asinain an sualnak kha an mertak duh lo i Pathian lianhngannak kha an thangṭhat duh lo.

1 SAMUEL 6:12

Cun caw hna nih cun ding teomao in Beth-shemesh lei i a kalmi lam pakhat kha paw pah lengmang in an zulh; orhlei ah siseh, kehlei ah siseh an i mer lo; Filistin bawi hna nih Beth-shemesh ramri tiang an zulh hna.

1 SAMUEL 6:3

Annih nih, “Israel Pathian i a kuang kha nan kirter a si ahcun, a lawng in kirter citcet hlah u; phungbuar thawinak he nan kirter hrimhrim lai. Cun nan dam lai i zeicahdah a kut cu nan sinin aa mer lo ti kha nan hngalh lai,” an ti.

1 SAMUEL 6:6

Zeicahdah Izipt mi le Faro nih an lung an hahter bantukin nan hahter ve lai? A cawhdeh hna hnuah mi kha an kalter hna i an chuak, a si lo mei?

1 SAMUEL 6:9

Cun zoh tuah u, amah ram lei i a hung kalmi Beth-shemesh lei i a kalmi lam kha a hun zulh ahcun, kannih cungah hi harnak nganpi a tuahtu hi amah a si; sihmanhsehlaw cu ti a si lo ahcun, a kan tutu cu amah kut a si lo, kan cungah a tlung sual i a si ko, ti kha kan hngalh lai,” an ti.