EXODUS 8:1 - Lai (Hakha) Common Language Bible 2006

¹ Bawipa nih tiva kha a tuk hnu ni sarih ah, Bawipa nih Moses cu a thawh i, “Va kal law Faro cu, ‘Bawipa nih, “Ka mi hna cu luatter hna, keimah kha ka bia hna seh.

EXODUS 8:1 ပူးပေါင်းရင်းမြစ်များ

SALM 105:30

An ram ah cun utlak an khat, siangpahrang inn chung hmanh ah khan an khat.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

EXODUS 3:18

Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, ‘Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,’ nan va ti lai.

EXODUS 4:23

Ka fapa nih cun a ka biak khawh nakhnga kalter ko, tiah kan ti i na duh lo. Cucaah cun na fapa upa bik kha ka thah lai,’ a ti, na ti lai,” tiah a ti.

EXODUS 5:1

Moses le Aaron cu Faro sinah khan an va kal i Faro cu, “Bawipa, Israel Pathian nih, ‘Ka mi hna cu, thetse ram ah biaknak puai an tuah khawh nakhnga, kalter hna seh,’ aan ti,” tiah an ti.

EXODUS 5:3

Annih nih, “Hebru mi Pathian nih khan a kan ton. Bawipa kan Pathian sinah cun raithawinak kan tuah khawh nakhnga, ni thum lamkal ah thetse ram ah cun kan kalter ko. Kan kal lo ahcun rai in maw asiloah ral in maw a kan thah sual lai,” an ti.

EXODUS 7:16

Cun Faro cu, ‘Hebru mi Pathian Bawipa nih, nangmah sinah a kan thlah i, “Thetse ram ah an ka biak khawh nakhnga ka mi cu chuahter hna,” a ti tiah va chim a ka ti, asinain atu tiang na ngai duh lo.

EXODUS 7:25

Bawipa nih tiva a tuk cu ni sarih a si cang.

EXODUS 8:2

Ngai hmanh, cucu na duh lo ahcun, na ram hi a dihlak in utlak in ka hrem lai.

EXODUS 8:20

Bawipa nih Moses cu a thawh i, “Zingkate ah Faro cu tiva i a kal ah khan va tong law, ‘Bawipa, nih, “An ka biak nakhnga ka mi cu kalter hna seh.

EXODUS 9:1

Bawipa nih Moses cu a thawh i, “Va kal law Faro cu, Hebru mi hna Pathian Bawipa nih, ‘Ka mi cu an ka biak nakhnga kalter hna.

JOSHUA 8:18

Khi tikah Bawipa nih Joshua sinah, “Na kut chungah a ummi fei kha Ai leiah sawh tuah; zeitintiah na kut chungah kan pek lai,” tiah a ti. Cun Joshua nih a kut chungah a ummi fei cu khua leiah cun a hei sawh.