EXODUS 7:3 - Lai (Hakha) Common Language Bible 2006

³ Sihmanhsehlaw Faro cu a lung ka ṭhawnter lai i Izipt ram chungah hin khuaruahharmi thil tampi ka tuah lai nain

EXODUS 7:3 ပူးပေါင်းရင်းမြစ်များ

NEHEMIAH 9:10

kan pupa hna kha zeirello in an ti hna kha na hngalh caah Faro le sinum hna le a ram mi vialte hna cungah hmelchunhnak le khuaruahhar kha na tuah i nihin ni tiangah a si bang hin min pakhat naa ser.

SALM 135:9

Faro le a bawi pawl dantatnak ah khuaruahharmi thil le hmelchunhnak kha a ser hna.

SALM 78:12

An pupa hna mithmuh hrimhrim ah khan Pathian nih khuaruahharmi thil pakhat a tuah, Zoan lo ah, Izipt ram ah khan a tuah.

EXODUS 11:10

Hi khuaruahharmi thil vialte hi Moses le Aaron nih Faro hmaiah khan an ser hna, sihmanhsehlaw Bawipa nih a lung a hahter caah Israel mi kha a ram chung cun a chuahter duh hna lo.

EXODUS 11:9

Bawipa nih Moses cu a chawnh i, “Izipt ram chungah hin khuaruahharmi thil kha ka tuah chinchin khawh rih hna nakhnga, Faro nih hin na bia kha an ngai lai lo,” a ti.

EXODUS 14:4

Faro cu a lung ka ṭhawnter lai i a dawi hna lai i Faro le a ralkapbu cu ka tei hna lai, cu ka tei hnanak nih khan upatnak a ka hmuhter lai. Izipt mi nih keimah cu Bawipa ka si kha an hngalh lai,” a ti. Israel mi nih cun a chimh hna bang khan an tuah.

EXODUS 3:20

Ka ṭhawnnak kha ka hman lai i cuka ah cun khuaruahharmi thil kha ka tuah hna lai i cu khuaruahharmi thil cun Izipt cu dan ka tat lai. Cu hnu ceo ah cun an kalter hna lai.

EXODUS 4:21

Bawipa nih Moses cu a thawh i, “Atu cu Izipt ram ah na kir lio cang, na tuah khawh lai kan timi khuaruahharmi thil vialte kha Faro hmaiah na tuah hna lai. A lung ka ṭhawnter lai i mi cu kalter a duh hna lai lo.

EXODUS 4:29

Moses le Aaron cu an va kal i Israel mi hruaitu vialte kha an pumh hna.

EXODUS 4:7

Bawipa nih cun, “Na kut cu na angki leng chungah khan vun nawk ṭhan tuah,” a ti. A vun nawh ṭhan i a hun chuah tikah, a tak dang bantuk khan dam hirhiar tein a um ṭhan.

EXODUS 7:13

Faro cu a lung a ṭhawng i Bawipa nih a chim bantukte khan an bia kha ngaih a duh lo.

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

MIKAH 7:15

Izipt ram in na rak chuah tikah khuaruahharnak na rak tuah bantuk khan kan caah khuaruahharnak kan tuahpiak tuah.

JOHAN 4:48

Jesuh nih cun a thawh i, “Thil lianngan le khuaruahhar thil a simi nan hmuh lo paoh ahcun nannih nih cun nan zum bal lai lo,” tiah a ti.

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

LAMKALTU 7:36

A miphun kha Izipt ram in a chuahpi hna i Izipt ram le Rili Sen le thetse ram ah khan kum sawm li chung khuaruahhar le hmelchunhnak thil kha a tuah hna.

ROM 15:19

Thiang Thlarau ṭhawnnak in siseh, Khrih nih keimah hi hmang in a tuahmi lawng cu ka chim ko lai. Cucaah Jerusalem in Illirikum tiang khual ka rak tlawn tawn ah khan Khrih kong Thawngṭha kha tlamtling tein ka chim.

ROM 9:18

Cucaah Pathian nih cun zaangfah a duhmi kha a zaangfah ko hna i an lung ṭhawnter a duhmi kha an lung cu a ṭhawnter ko hna.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

DEUTERONOMI 7:19

nan mi nih a hmuhmi hneksaknak ngan le hmelchunhnak le khuaruahharnak le a ṭhawngmi kut le samhmi ban in Bawipa nan Pathian nih an chuahpi hnanak kha hngal camcin ko u; cu bangin Bawipa nan Pathian nih nan ṭihmi miphun vialte hna cungah a tuah lai.