EXODUS 7:19 - Lai (Hakha) Common Language Bible 2006

¹⁹ Bawipa nih Moses cu a thawh i, “Aaron kha, ‘Na ṭhiangṭhunh cu Izipt ram chung ti vialte cungah hler tuah, tiva si hna seh, tilak si hna seh, tidil si hna seh, an cungah hler tuah. Ti cu thisen ah an i cang dih lai i ram chungah khan a dihlak in thisen a um lai, thing tikuang le lung tikuang hmanh ah thisen cu a um lai,’ tiah chim,” a ti.

EXODUS 7:19 ပူးပေါင်းရင်းမြစ်များ

GENESIS 1:10

Vawlei cu a min ah “Vawlei” a sak i a pumhtermi ti cu “Rili” tiah a ti. A tuahmi kha a zoh i a lung a si.

2 SIANGPAHRANG 4:29

Cun Gehazi cu a thawh i, “Na biar i rengh law ka ṭhiangṭhunh kha i put law va kal tuah. Ahohmanh na ton hna ahcun va biachawn hna hlah; cun ahohmanh nih an in chawnh ahcun va let hna hlah; cun ka ṭhiangṭhunh cu ngakchia hmai cungah khan na va chiah lai,” tiah a ti.

EXODUS 10:12

Bawipa nih Moses cu a chawnh i, “Izipt ram cungah khan na kut cu hler law khaubawk kha tlunter hna. A kheumi thil paohpaoh kha ra ei dih hna seh, rial nih a nganhmi kha ei dih hna seh,” a ti.

EXODUS 10:21

Bawipa nih Moses cu a thawh i, “Van leiah khin na kut hler law, khuamui a muih tuk ah a fah in a fakmi nih Izipt ram kha a dihlak in khuh seh,” a ti.

EXODUS 14:16

Na ṭhiangṭhunh kha hler law rili cungah khan na kut samh tuah, cun rili kha aa ṭhen lai i Israel mi cu rili chung khan vawlei ro cungin an kal kho lai.

EXODUS 14:21

Moses nih rili cungah khan a kut a hler i zan khuadei a ṭhawngmi nichuahlei thli kha a hrang i cu thli nih cun rili cu a nam i vawlei ro ah a canter. Ti cu aa ṭhen i

EXODUS 14:26

Bawipa nih Moses cu, “Rili cungah khin na kut hler law Izipt mi hna khi an rangleng le an rangleng mawngtu vialte hna he ti nih phum dih hna seh,” a ti.

EXODUS 4:9

Cun hi hmelchunhnak pahnih hna thawng zongin an zumh khawh hlei lo i na chimmi kha an ngaih duh ṭhiamṭhiam lo ahcun, tiva chung ti kha tlawmpal in na lak lai i vawlei ah khan na thlet lai. Cu ti cu thisen ah a cang lai,” a ti.

EXODUS 8:16

Bawipa nih Moses cu, “Aaron kha, ‘Na ṭhiangṭhunh in vawlei kha tu law leidip kha fikfa ah an i cang lai i Izipt ram kha an khat lai,’ tiah chim,” a ti.

EXODUS 9:33

Moses nih Faro cu a kaltak i khuapi chung khan a chuak. Thlacamnak in Bawipa sinah a kut kha a hler i khuari le rial kha an dih i ruah kha a dong.

ISAIAH 19:10

puan taktu hna le zungthiam pawl cu hnabeidong le lungrethei in an um lai.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

HABAKKUK 3:8

Maw Bawipa, tiva hna cungah na thin a hung maw? Na thin hunhnawhmi cu tiva cu an si maw? Nangmah nih na teinak rangleng a hnuktu rangtum hna cu na chiah hna tikah, Na thinhunnak cu Rili cungah a si maw?