EXODUS 6:7 - Lai (Hakha) Common Language Bible 2006

⁷ Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

EXODUS 6:7 ပူးပေါင်းရင်းမြစ်များ

GENESIS 26:3

Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

GENESIS 28:13

Cun Bawipa nih cun, “Keimah hi Bawipa, Abraham le Isak Pathian kha ka si. Na ihnak ram hi nangmah le na tefa kha kan pek hna lai.

1 SIANGPAHRANG 20:28

Cun Pathian mi pakhat nih Israel siangpahrang sinah cun a ra i, “Hi bangin Bawipa nih, ‘Siria mi hna nih, “Bawipa, cu tlang pathian pei a si ko cu, nelrawn pathian a si ṭung lo,” an ti caah, cucaah hi mibu nganpi hi a dihlak in na kut chungah kan pek lai i keimah cu Bawipa ka si kha na hngalh lai,’ a ti,” tiah a ti.

1 SIANGPAHRANG 8:60

zeitintiah vawleicung mi vialte nih Bawipa cu Pathian a si i a dang ahohmanh an um lo, ti kha an hngalh nakhnga.

NEHEMIAH 1:10

Annih cu nangmah nih na ṭhawnnak a nganmi le a ṭhawngmi na kut in na tlanhmi hna na sal le na mi an si.

SALM 100:3

Bawipa cu Pathian a si kha zeitikhmanh ah philh hlah u! A kan sertu cu amah a si i kannih cu amah ta kan si; a mi kan si i a tuurun kan si.

SALM 81:6

“Nan keng cung thilrit pipi kha kan lakpiak cang hna i nan rianṭuannak bawm kha kan chiahter cang hna.

EXODUS 13:14

Hmailei ah nan fale nih, ‘Hihi a sullam zeidah a si?’ tiah an in hal hna ahcun, ‘Sal i kan cannak inn, Izipt ram chung i fater vialte kha, minung he saram he, Bawipa nih a rak thah dih hna. Cu ruangah cun fater paohpaoh Bawipa sinah raithawinak i kan pekchanh hna hi a si i kan fater hna kan tlanh hna hi a si,’ tiah nan leh hna lai.

EXODUS 13:3

Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih ṭhawnnak a liannganmi he an chuahpi hna. Thilnu phulhmi changreu nan ei hrimhrim lai lo.

EXODUS 14:18

Annih cu ka tei hna tikah Izipt mi nih khan Bawipa ka si cu an hngalh lai,” a ti.

EXODUS 14:4

Faro cu a lung ka ṭhawnter lai i a dawi hna lai i Faro le a ralkapbu cu ka tei hna lai, cu ka tei hnanak nih khan upatnak a ka hmuhter lai. Izipt mi nih keimah cu Bawipa ka si kha an hngalh lai,” a ti. Israel mi nih cun a chimh hna bang khan an tuah.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

EXODUS 16:12

“Israel mi hna an phunzainak cu ka theih cang, cucaah, ‘Pa fa hmelpalh ah ei awk sa nan hmuh lai i zinglei ah nan duh zat in rawl nan hmuh lai. Cun Bawipa cu nan Pathian ka si kha nan hngalh lai, a ti,’ tiah chim hna,” a ti.

EXODUS 16:6

Cucaah Moses le Aaron nih Israel mi vialte cu, “Zanlei ah Izipt ram in an chuahpitu hna kha Bawipa a si cu nan hngalh lai i

EXODUS 2:11

Cu hnu tlawmpal, Moses cu a hung upat tikah khan, a phunhawi mi cu a va leng hna i zeitluk in dah rianhrang ṭuan an hnek hna ti kha a va hmuh. A miphun hawi pakhat Izipt mipa i a thah zong kha a va hmuh fawn.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

EXODUS 7:17

Cucaah Bawipa chimmi cu, “Ka tuah laimi thil thawng hin Bawipa ka si cu na hngalh lai,” ti hi a si. Zohhmanh, hi ṭhiangṭhunh hin tiva ti kha ka tuk lai i thisen ah a cang lai.

ISAIAH 41:20

Mi nih khan cucu an hmuh lai i Bawipa nih ka tuahmi a si kha an hngalh lai. Cu thil a umtertu cu Israel Pathian thiang ka si kha an hngalh lai,” a ti.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 51:15

“Keimah cu Bawipa nan Pathian ka si; rili cu ka thawhter i a tilet cu ka awnhter hna. Ka min cu Ralkapbu Bawipa a si!

ISAIAH 60:16

Nu nih a fa kha a zohkhenh bantukin, miphun hna le siangpahrang hna nih khan an in zohkhenh lai. Bawipa nih kan khamh kha na hngalh lai, Israel Pathian ṭhawng nih kan luatter kha na hngalh lai.

ISAIAH 63:8

Bawipa nih aa thawh i, “Annih cu ka mi an si, an ka hleng lai lo” a ti. Cucaah an harnak vialte chung khan a khamh hna.

JEREMIAH 30:22

Cucaah nannih cu ka mi nan si lai i Kei cu nan Pathian ka si lai.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

EZEKIEL 20:19

Ka thawh hna i, Keimah cu Bawipa nan Pathian ka si, ka nawlbia kha nan zulh hrimhrim lai,

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

LEVITIKAS 11:44

Zeitintiah keimah cu Bawipa nan Pathian ka si; cu caah i thianter u law, thianghlim u, keimah ka thian caah. Vawlei ah a vah in a vakmi thil zeihmanh in i thurter hlah u.

LEVITIKAS 11:45

Zeitintiah keimah cu nan Pathian si awkah, Izipt ram in an chuahpitu hna Bawipa ka si; cucaah nannih cu nan thian awk a si, keimah ka thian caah,” tiah a ti.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

NAMBAR 15:41

Nan Pathian si awkah Izipt ram in an chuahpitu hna Bawipa nan Pathian cu ka si: keimah cu Bawipa nan Pathian ka si,” tiah a ti.

MATTHAI 22:32

‘Kei cu Abraham Pathian, Isak Pathian, Jakob Pathian ka si,’ tiah pei a ti kha. Cu a sullam cu Pathian cu minung mi Pathian a si, mithi Pathian a si lo, tinak a si,” tiah a ti.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

DEUTERONOMI 26:18

Cun Bawipa nih nihin ah nannih kongah hi bangin a thanh cang: ‘Bia kan kam cang hna bantukin nannih cu keimah ca hrimhrim i miphun nan si, cun ka nawlbia vialte kha nan ulh awk a si,

DEUTERONOMI 29:12

Cu nan dir cu, Bawipa nan Pathian nih, nihin ah chiatser i a tuahmi biakamnak Bawipa nan Pathian biakamnak chungah nan luh nakhnga caah a si.

DEUTERONOMI 29:13

Cun nan pupa Abraham le Isak le Jakob sinah bia a rak kam bangin, nihin ah nannih cu amah mi ah fehter i amah cu nan Pathian si awkah a hmai i an pumhter hna cu a si.

DEUTERONOMI 29:5

Ramlak ah kum sawm li chung kan hruai hna i, nan keng cung puan siseh nan ke cung kedan siseh an ṭet lo,

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.

HEBRU 11:16

Annih nih an ngaihmi ram cu, ram ṭha deuh vancung ram tu kha a si. Pathian nih an caah khua pakhat a timhpiak hna i cucaah annih nih Pathian cu, kan Pathian, tiin an kawh tikah, Pathian cu a ning a zak lo.

1 PETER 2:10

Hlanah cun nannih cu Pathian mi nan rak si lo, sihmanhsehlaw atu cu nan si cang; hlanah cun Pathian zaangfahnak kha nan rak hngal lo, sihmanhsehlaw a tu cu zaangfahnak kha nan hmuh cang.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.