EXODUS 6:4 - Lai (Hakha) Common Language Bible 2006

⁴ Anmah he khan biakamnak zong ka rak tuah i ramdangmi bantukin khua an rak saknak ram Kanaan ram kha kan pek hna lai, tiah bia ka rak kam hna.

EXODUS 6:4 ပူးပေါင်းရင်းမြစ်များ

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

GENESIS 15:13

Bawipa nih cun a thawh i, “Na tefa hna cu ram dang ah khual an si lai, cuka ah cun sal ah an cang lai i kum za li chung hremnak an ing lai.

GENESIS 15:18

Cu ni ah cun Bawipa nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai;

GENESIS 17:13

Pakhat hmanh hrelh loin nan cuarpar cu tan nan si lai i cu nih cun nanmah sin i biakamnak ka sermi hi zungzal hmunmi biakamnak a si kha nan cungah hmelchunhnak in a langhter lai.

GENESIS 17:4

“Hi biakamnak hi kan pek: nangmah cu miphun tampi a hringsortu hna na si lai.

GENESIS 23:4

“Kei cu hika ah hin ramdangmi le a lang i a ra um tami ka si. Cucaah nan vawlei tlawmpal cu kan i vuinak ding caah ka zuarh u law ka duh, ka nupi cu cuka ah cun ka vui khawh nakhnga,” a ti.

GENESIS 26:3

Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

GENESIS 26:4

Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

GENESIS 28:13

Cun Bawipa nih cun, “Keimah hi Bawipa, Abraham le Isak Pathian kha ka si. Na ihnak ram hi nangmah le na tefa kha kan pek hna lai.

GENESIS 28:4

Abraham thluachuah a pek bantuk khan nangmah le na tefa hna cu thluachuah in pe hna seh law, atu i na umnak ram, Pathian nih Abraham a pekmi ram hi nangmah ta si seh,” a ti.

GENESIS 6:18

sihmanhsehlaw nangmah he cun biakamnak tu ka ser lai. Lawng chungah cun na nupi le na fapa hna le an nupile hna kha na luhpi hna lai i

2 SAMUEL 23:5

A si, ka innchungkhar cu cu bantukin Pathian hmaiah a dir lo maw? Zeitintiah keimah he zungzal hmunmi biakamnak kha a ser, Zeizong vialte kha ningcangte le fek tein a tuah. Zeitintiah keimah bawmhnak vialte le duhnak cu Tlinter loin maw a um hnga?

SALM 105:11

“Kanaan ram cu kan pek lai, cu ram cu nangmah ta a si lai,” a ti.

SALM 105:12

Pathian mi cu an rak tlawm i cu ram ah cun khual an rak si.

EXODUS 13:4

Abib thla chung nihin ni ah hin Izipt ram in nan chuak lai.

EXODUS 13:5

Kanaan mi le Hit mi le Amor mi le Hiv mi le Jabus mi an umnak ram kha nanmah pek awkah Bawipa nih nan pupa cu fek tein bia a rak kamh hna. Cu ram cu ram rum le ram ṭha a si. Cu ram chung an phakpi hna tikah hi thla ṭhiamṭhiam ah hin hi phunglam hi nan ulh lai.

EXODUS 6:8

Chiatser tein Abraham le Isak le Jakob sinah kan pek hna lai ti in bia kaa kammi ram ah khan kan kalpi hna lai; cu ram cu nanmah ta ding hrimhrim ah kan pek hna lai. Kei cu Bawipa kha ka si,’ a ti, tiah na va chimh hrimhrim hna lai,” a ti.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

NAMBAR 10:29

Cun Moses pu Hobab, Midian miphun Reuel i a fapa sinah khan Moses nih, “Bawipa nih, ‘Kan pek hna lai,’ a timi hmun i kal awkah kan i thawh; kan sinah ra law, ṭhatnak kan in tuah lai; zeitintiah Bawipa nih Israel kha ṭhatnak a kamh,” tiah a ti.

LAMKALTU 7:5

Cu lioah cun hi ram hi a pelpawite hmanh Abraham cu a rak pe lo, pe khat taktak hmanh a rak pe lo; sihmanhsehlaw Pathian nih bia a kam i hi ram hi nangmah kan pek lai i nangmah le na hnu i a rung um ding na tefa hna ta a si lai, tiah a ti. Cu biakamnak Pathian nih a rak pek lioah hin Abraham cu fa zeihmanh a ngei lo.