EXODUS 6:20 - Lai (Hakha) Common Language Bible 2006

²⁰ Amram nih a pa far Jokhebed kha a ṭhit i Aaron le Moses kha a hrin hna. Amram cu kum za le sawm thum le kum sarih a nung.

EXODUS 6:20 ပူးပေါင်းရင်းမြစ်များ

1 CHANRELNAK 23:13

Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an ṭuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si.

EXODUS 6:16

Levi fapa an min cu hihi an si, an tefa hna cio he: Gershon, Kohath le Merari. Levi cu kum za khat sawm thum le kum sarih a nung.

EXODUS 6:18

Kohath fapa cu Amram, Izhar, Hebron le Uzziel an si. Kohath cu kum za le sawm thum le kum thum a nung.

NAMBAR 26:58

Mah hna hi Levi innchungkhar hna cu an si: Libni chung, Hebron chung, Mahli chung, Mushi chung, Korah chung, Kohath cu Amram pa a si.

NAMBAR 26:59

Amram nupi min cu Levi fanu Jokhebed a si i Izipt ram ah Levi nih a hrinmi a si; cun Amram cu Aaron le Moses le an far Miriam a hrinpiak.

NAMBAR 3:1

Bawipa nih Sinai Tlang ah Moses kha a chawnh tikah, mah hna hi Aaron le Moses tefa cu an si.

JOSHUA 21:4

Kohath mi innchungkhar hna caah cun camcawh fung cu a hung chuak. Cucaah Levi mi chungin tlangbawi Aaron tefa a simi nih khan camcawh fung khiah in Judah, Simeon, le Benjamin phun hna sinin khua hleithum an hmuh.