EXODUS 5:3 - Lai (Hakha) Common Language Bible 2006

³ Annih nih, “Hebru mi Pathian nih khan a kan ton. Bawipa kan Pathian sinah cun raithawinak kan tuah khawh nakhnga, ni thum lamkal ah thetse ram ah cun kan kalter ko. Kan kal lo ahcun rai in maw asiloah ral in maw a kan thah sual lai,” an ti.

EXODUS 5:3 ပူးပေါင်းရင်းမြစ်များ

2 SIANGPAHRANG 17:25

Cun an umter ah cun Bawipa kha an ṭih lo; cucaah Bawipa nih chiandeih a thlahhnawh hna i tlawmpal an seh hna.

2 CHANRELNAK 30:8

Nannih cu nan pupa hna bantuk khan hngawngṭhawng si hlah u, sihmanhsehlaw Bawipa sinah khan i pe u law zungzal ca in a thiantermi a hmunthiang ah khan ra u, cun a thinhunnak ṭihnung cu nan sinin aa mer nakhnga Bawipa nan Pathian cu a rian ṭuan u.

EZRA 7:23

Vancung Pathian nawl pekmi paoh cu, siangpahrang le a fapa hna pennak cungah hin a thinhunnak a tlun sual nakhnga lo, vancung Pathian inn caah tling tein tuah si seh.

EXODUS 3:18

Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, ‘Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,’ nan va ti lai.

EXODUS 7:16

Cun Faro cu, ‘Hebru mi Pathian Bawipa nih, nangmah sinah a kan thlah i, “Thetse ram ah an ka biak khawh nakhnga ka mi cu chuahter hna,” a ti tiah va chim a ka ti, asinain atu tiang na ngai duh lo.

EXODUS 8:1

Bawipa nih tiva kha a tuk hnu ni sarih ah, Bawipa nih Moses cu a thawh i, “Va kal law Faro cu, ‘Bawipa nih, “Ka mi hna cu luatter hna, keimah kha ka bia hna seh.

EXODUS 8:20

Bawipa nih Moses cu a thawh i, “Zingkate ah Faro cu tiva i a kal ah khan va tong law, ‘Bawipa, nih, “An ka biak nakhnga ka mi cu kalter hna seh.

EXODUS 8:27

Cucaah cun Bawipa kan Pathian nih a kan fial bantukin thetse ram chung ni thum lamkal ah kan kal hrimhrim awk a si lai i cuka ah cun Bawipa kan Pathian sinah khan rai cu kan vaa thawi lai,” a ti.

EZEKIEL 6:11

Mah hihi Bawipa Pathian bia a si: “Nan zapei kha beng u law nan ke kha teng hna u, fihnung nan sinak kha ṭah u, maw Israel mi hna.

LEVITIKAS 26:25

Cun nannih cungah vainam ka tlunter lai i biakamnak caah khan phuhlamnak a tuah lai; nan khua chungah nan i pumh ahcun nan lakah rai ka tlunter lai i nan ral hna kut ah khan nanmah cu pek nan si lai.

DEUTERONOMI 28:21

Co awkah nan luhhnawhmi ram in an thianh hna hlantiang, Bawipa nih rai kha nannih sinah a behter lai.