EXODUS 40:38 - Lai (Hakha) Common Language Bible 2006

³⁸ Pathian an sin i a um hmelchunhnak minmei cu, chun ah Pathian umnak thlam cungah khan a um i zan ah minmei chungah khan mei alh a um; cucu Israel mi nih riahhmun pakhat in pakhat ah an i thawn lengmang ah khan an hmuh zungzal.

EXODUS 40:38 ပူးပေါင်းရင်းမြစ်များ

2 SAMUEL 7:6

Israel mi kha Izipt ram in ka chuahpi hna ni thawk in nihin tiang, inn chungah ka um rih lo, sihmanhsehlaw ka umnak ca i puan thlam chungin kaa chawk lengmang ko.

SALM 105:39

A mi hna cungah cun khuadawm a zar i zan ah ceunak petu dingah mei a pek hna.

SALM 78:14

Chun ah khuadawm in a hruai hna i zan ah mei ceu in a hruai hna.

EXODUS 13:21

Chun ah Bawipa cu an hmaiah minmei tom in annih kha lam hmuhsak awkah a kal i zan ah an hmaiah mei tom in annih kha ceunak pek awkah a kal, cucaah cun zan zongah chun zongah an kal kho.

EXODUS 13:22

Minmei tom cu Israel mi hna hmaiah khan chun ah a um zungzal i mei tom cu zan ah a um zungzal ve.

NAMBAR 10:34

Cun Bawipa minmei cu, an riahhmun in an i thawh fate chun ah annih cungah a um.

NAMBAR 9:12

Zinglei tiang a zeihmanh an taanter lai lo, cun a ruh zong pakhat hmanh an khiak lai lo; lanhtak puai ca i nawlbia vialte ning khan an ulh lai.

NAMBAR 9:15

Puan biakinn an dirter ni ah cun, minmei nih puan biakinn, bia hngalhternak thlam cu a zelh i, zanlei ah cun puan biakinn cungah cun mei alh mui bantukin zinglei tiang a um.

NAMBAR 9:16

Cuticun a um camcin ko; chun ah minmei nih, zan ah meialh mui bantuk nih a zelh.