EXODUS 40:36 - Lai (Hakha) Common Language Bible 2006

³⁶ Israel mi kha riahhmun pakhat in riahhmun pakhat ah an i ṭhial tikah Pathian umnak thlam cung i minmei kha aa ṭhial lawnglawng ah an i ṭhial tawn.

EXODUS 40:36 ပူးပေါင်းရင်းမြစ်များ

NEHEMIAH 9:19

na zaangfahnak a ngan ruangah ramlak ah khan na hlaw ta hna lo; lam a hruaitu hna minmei tung nih khan chun ah a kaltak hna lo i annih kalnak ding lam a ceuhtu mei alh tung nih khan zan ah a kaltak hna lo.

SALM 105:39

A mi hna cungah cun khuadawm a zar i zan ah ceunak petu dingah mei a pek hna.

SALM 78:14

Chun ah khuadawm in a hruai hna i zan ah mei ceu in a hruai hna.

NAMBAR 9:17

Cun minmei cu puan biakinn cung cun cunglei i aa ṭhial chel paoh ah, Israel mi hna cu kal ah an i thawh; cun minmei a ṭumnak hmun paoh ah, cu ka ah cun Israel mi nih riahhmun an khuar tawn.

NAMBAR 9:22

Ni hnih a si ah, thla khat a si ah, caan sau deuh zong a si ah, minmei cu puan biaknak inn cung i a um, cu ka i a cam chung cu, Israel mi hna cu an riahhmun ah an cam ko i an i thawh lo; sihmanhsehlaw aa ṭhial tikah annih cu an i thawh tawn.

1 KORIN 10:1

Ka u le ka nau hna, Moses a zulmi kan pupa hna cung i a tlungmi thil kha philh hlah u ti kan duh hna. Annih cu an dihlak in minmei nih khan a runven hna i Rili Sen kha him tein an tan.