EXODUS 40:34 - Lai (Hakha) Common Language Bible 2006

³⁴ Pumhnak thlam cu minmei nih a huh i Bawipa sunparnak kha a chung cu a khat.

EXODUS 40:34 ပူးပေါင်းရင်းမြစ်များ

2 SAMUEL 7:6

Israel mi kha Izipt ram in ka chuahpi hna ni thawk in nihin tiang, inn chungah ka um rih lo, sihmanhsehlaw ka umnak ca i puan thlam chungin kaa chawk lengmang ko.

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

2 CHANRELNAK 7:2

Cun Bawipa sunparnak cu Bawipa inn kha a khah caah tlangbawi hna cu Bawipa inn ah khan an lut kho lo.

SALM 26:8

Bawipa, na umnak inn kha ka tlaihchan i na sunparnak a umnak hmun kha ka duh.

EXODUS 14:24

Khuadei laite ah khin Bawipa nih cun minmei tom le mei tom chung khan Izipt mi kha a vun zoh hna i a tuaiter dih hna.

EXODUS 16:10

Aaron nih mi zapi cu bia a chimh lio hna ah ramcar lei kha an hoih i cu lioah cun khulrang in Bawipa sunparnak cu vandawm in a rung lang.

EXODUS 25:8

Biakinn pakhat an ka serpiak lai i cuticun an lakah ka um lai.

EXODUS 29:43

Hika hmun ah hin ka mi Israel mi cu ka ton hna lai i cuka hmun cu ka sunparnak nih khan hmun zarh ah a canter lai.

EXODUS 33:9

Moses a vung luh tikah khan, minmei tom kha a rung ṭum i thlam kaa ah cun a um i Bawipa nih Moses cu minmei chung cun a chawnh.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 6:4

An aw nih cun biakinn cu a hram in a hninh i biakinn cu meikhu in a khat.

EZEKIEL 10:4

Bawipa sunparnak cu cherubim hna cung cun a tho i sangpi ah a kai i tual leiah cun a kal; cun biakinn chungah cun minmei cu aa zel i Bawipa sunparnak ceu nih cun a tual cu a ceuh.

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

HAGGAI 2:7

Cun miphun vialte cu ka hninh hna lai i an chawhlawn cu nan sinah an rak put lai i hi inn hi sunparnak in ka khahter lai, tiah ralkapbu Bawipa nih a ti.

HAGGAI 2:9

Hi inn a hmanung u sunparnak hi a hmasa u sunparnak nakkhan a ngan deuh lai, tiah ralkapbu Bawipa nih a ti; cun hi hmun ah hin rumnak ka chiah lai,” tiah ralkapbu Bawipa nih a ti.

NAMBAR 7:89

Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.

ROM 9:4

Annih cu Pathian thimmi an si: a fa ah a ser hna i sunparnak kha a hrawmh hna. Anmah sinah a biakamnak kha a tuah hna i Nawlbia kha a pek hna, biaknak taktak cu anmah nih khan an ngeih, Pathian biakamnak kha an hmuh,

BIAPHUAN 15:8

Biakinn cu Pathian sunparnak le lianhngannak meikhu in a khat i vancungmi pasarih nih hremnak pasarih an tlunpimi a dih hlantiang ahohmanh biakinn chungah cun an lut kho lo.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.