EXODUS 40:20 - Lai (Hakha) Common Language Bible 2006

²⁰ Cun biakamnak lungtlap kha a lak hna i kuang chungah khan a chiah hna. Kuang i thlaihmi sui kual ah khan lang kha a hrolh hna i a chin kha a chinh.

EXODUS 40:20 ပူးပေါင်းရင်းမြစ်များ

1 SIANGPAHRANG 8:9

Israel mi nih Izipt ram in an chuah tikah Bawipa nih annih he biakamnak a tuahnak Horeb tlang i Moses nih a khumhmi lung tlap pahnih hna dah ti lo kha cu, kuang chungah zeihmanh a um lo.

1 CHANRELNAK 15:3

Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna.

2 CHANRELNAK 5:10

Israel mi nih Izipt ram in an chuah tikah, Bawipa nih annih he biakamnak a tuahnak Horeb tlang i Moses nih biakamnak kuang chungah a khumhmi lungtlap pahnih hna dah ti lo kha cu, biakamnak kuang chungah cun a dang zeihmanh a um lo.

SALM 40:8

Ka Pathian, zeitluk in dah na duhnak tuah cu ka duh! Na cawnpiaknak cu ka lung chungah kaa chiah hna,” tiah kan leh.

EXODUS 16:34

Bawipa nih Moses a fial bang khan, him tein a um khawh nakhnga, biakamnak kuang hmaiah khan a chiah.

EXODUS 26:34

Hmunthiang bik chung i a ummi biakamnak kuang kha a chin na chinh lai.

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 40:19

Bawipa nih a fial bantuk te khan Pathian umnak thlam chungah cun thlam kha a samh i thlam cu a khuh kha a khuh.

EXODUS 40:3

Biakamnak hngalhter ṭhantu lungtlap hna umnak kuang kha a chungah na chiah lai i puanzar na khuh lai.

MATTHAI 3:15

Sihmanhsehlaw Jesuh nih cun, “Atu cu hitihin si ko seh. Pathian nih tuah awk a si a timi paoh cu i tuah ko seh,” tiah a leh. Cucaah Johan cu a hna a tla ve.

ROM 10:4

Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

ROM 3:25

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

DEUTERONOMI 10:5

Cun kaa mer i tlang cungin ka rung ṭum i ka sermi kuang chungah cun lung tlap cu ka chiah hna; Bawipa nih nawl a ka pek bangin khika ah an um.

HEBRU 4:16

Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.