EXODUS 40:16 - Lai (Hakha) Common Language Bible 2006

¹⁶ Bawipa nih a fial bantuk tein zeizong vialte kha Moses nih a tuah dih.

EXODUS 40:16 ပူးပေါင်းရင်းမြစ်များ

GENESIS 6:22

Cun Noah nih khan, Pathian nih a fialmi vialte cu a tuah dih.

EXODUS 40:15

Cun an pa chiti na thuh bantuk khan chiti na thuh ve hna lai i ka tlangbawi rian kha an ṭuan lai. Chiti na thuhmi hna nih khan dong loin tlangbawi a siter hna lai,” tiah a ti.

EXODUS 7:6

Bawipa nih nan tuah lai tiah nawl a pekmi hna cu Moses le Aaron nih khan an tuah.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

JEREMIAH 13:5

Cucaah ka tho i Bawipa nih nawl a ka pek bangin Zufrates tiva pawngah ka va thuh.

LEVITIKAS 8:13

Cun Moses nih Aaron fapa hna cu a ratpi hna i angki leng a hruk hna i taisawm a sawmh hna i lupawng a ponh hna, Bawipa nih Moses nawl a pek bang khan.

LEVITIKAS 8:21

Cun a chungril le a ke hna cu ti in a ṭawl hna i Moses nih tuukawng cu a pum in biakṭheng cungah khangh thawinak caah, rimthaw Bawipa sin i mei in thawinak caah, a khangh, Bawipa nih Moses nawl a pek bang khan.

LEVITIKAS 8:9

Cun lupawng a ponh i a lupawng cungah, hmailei ah, sui kheng, a thiangmi bawi luchin cu, a benh; Moses nih Bawipa nih nawl a pek bang khan a tuah.

NAMBAR 1:19

Cu bangin Sinai ramlak ah a rel hna.

NAMBAR 9:22

Ni hnih a si ah, thla khat a si ah, caan sau deuh zong a si ah, minmei cu puan biaknak inn cung i a um, cu ka i a cam chung cu, Israel mi hna cu an riahhmun ah an cam ko i an i thawh lo; sihmanhsehlaw aa ṭhial tikah annih cu an i thawh tawn.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

1 KORIN 4:2

Cu bantukin thil ken fialmi a rian biapi bik cu a bawipa sin i zumh awk tlak te i um kha a si.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

HEBRU 3:2

Moses cu Pathian innchungkhar rian ah a fel bantukin Jesuh zong cu hi rianṭuantu dingah a thimtu Pathian sinah khan zumh awk tlak tein a um ve.

HEBRU 3:5

Moses cu Pathian inn chungah khan rianṭuantu zumh awk tlak a rak si i Pathian nih hmailei ah a rak chim lai dingmi zong kha a rak chim.