EXODUS 40:13 - Lai (Hakha) Common Language Bible 2006

¹³ Aaron kha puan thiang cu na aihter lai i chiti na thuh lai i cuticun na thianter lai i ka tlangbawi rian kha a ṭuan lai.

EXODUS 40:13 ပူးပေါင်းရင်းမြစ်များ

EXODUS 28:41

Hi thuam hi na u Aaron le a fapa hna cu na hrukter hna lai. Cun chiti na toih hna lai, na thleidan hna lai i na thianter hna lai, cun ka tlangbawi rian kha an ṭuan lai.

EXODUS 29:7

Cun thuh awk chiti kha na lak lai i a lu ah khan na toih lai i amah cu na thuh lai.

EXODUS 40:14

A pawngah khan a fapale kha na ratpi hna lai i angki kha na aih hna lai.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

LEVITIKAS 7:35

Bawipa sin i mei in thawinak hna chungin Aaron le a fapa hna nih an covo cu a si; mah cucu Bawipa tlangbawi rianṭuan awk ca i pek an si ni ah an sinah thianter a si;

LEVITIKAS 7:36

chiti thuh an si ni ah Israel mi nih mah hihi an pek hna awk cu Bawipa nawlpekmi a si; an tefa chin tiangin a zungzal in an hmuh awk cu a si.”

LEVITIKAS 8:13

Cun Moses nih Aaron fapa hna cu a ratpi hna i angki leng a hruk hna i taisawm a sawmh hna i lupawng a ponh hna, Bawipa nih Moses nawl a pek bang khan.

JOHAN 17:19

Annih zong kha na biatak in thianh an si nakhnga kei zong hi anmah ruangah kaa thianh ve.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

HEBRU 10:10

Jesuh Khrih nih Pathian duhmi kha a tuah caah, voi khat ah za lak in amah a pum aa pekchanhnak thawng khan kannih cu kan sualnak in a kan thianh cang.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

1JOHAN 2:20

Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh.

1JOHAN 2:27

Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.