EXODUS 40:10 - Lai (Hakha) Common Language Bible 2006

¹⁰ Cun khanghthawinak biakṭheng le a thilri vialte kha chiti na thuh hna lai. Cuticun Pathian sinah na chanh hna lai i a zarh ngaingaimi thil ah an cang lai.

EXODUS 40:10 ပူးပေါင်းရင်းမြစ်များ

EXODUS 30:29

Cuticun hi thil hi na thianh hna lai i a zarh ngaingaimi thil ah an cang lai; cucaah a tawngmi hna paoh cu thil zarh ah an cang ve lai.

EXODUS 40:11

Kut ṭawlnak hmaihum le a danh zong kha chiti na thuh hna lai i Pathian sinah na pek hna lai.

ISAIAH 11:2

A mi kha a uk khawh hna nakhnga Bawipa ṭhawnnak nih amah cu fimnak le hngalhnak le thiamnak a pek lai. Bawipa duhnak kha zeidah a si ti a hngalh lai i Bawipa cu a ṭih lai.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

LEVITIKAS 6:17

Thilnu he reu a si lai lo. Mei in keimah sin i thawinak hna chungin anmah vo ah ka pek cang hna; a thiang bikmi thil a si ve, sual thawinak le phungbuar thawinak bantuk khan.

LEVITIKAS 8:11

Cun chiti cu tlawmpal in biakṭheng ah cun voi sarih a theh i, biakṭheng le a umkheng vialte le a hmaihum le a hunnak cu thianter awk caah a thuh hna.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

JOHAN 17:19

Annih zong kha na biatak in thianh an si nakhnga kei zong hi anmah ruangah kaa thianh ve.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.