EXODUS 4:21 - Lai (Hakha) Common Language Bible 2006

²¹ Bawipa nih Moses cu a thawh i, “Atu cu Izipt ram ah na kir lio cang, na tuah khawh lai kan timi khuaruahharmi thil vialte kha Faro hmaiah na tuah hna lai. A lung ka ṭhawnter lai i mi cu kalter a duh hna lai lo.

EXODUS 4:21 ပူးပေါင်းရင်းမြစ်များ

GENESIS 6:3

Cun Bawipa nih aa thawh i, “Minung hi zungzal in nun cu ka sianh hna lai lo, zeicahtiah titsa an si. Atu thawk in kum za le kum kul nak tam an nung ti lai lo,” a ti.

1 SIANGPAHRANG 22:22

Cun Bawipa nih, ‘Zei in dah na lem lai?’ tiah a ti. Cun anih nih, ‘Ka va kal lai i a profet vialte hna kaa chungah nal thlarau ka va si lai,’ tiah a ti. Cun anih nih, ‘Na va lem hrimhrim lai i na lem khawh taktak lai; va kal law cu bangin va tuah,’ tiah a ti.

SALM 105:25

Izipt mi cu a mi kha a huatter hna i a sal hna cungah khan hlennak in rian a ṭuanter hna.

SALM 78:43

Izipt ram Zoan lo lak i a liannganmi thil le khuaruahharmi thil a tuahmi kha an philh.

EXODUS 10:1

Bawipa nih Moses cu a thawh i, “Faro sinah va kal. Khuaruahharmi thil hi an lakah ka tuah khawh nakhnga caah amah le a bawi pawl cu an lung ka ṭhawnter cang hna.

EXODUS 10:20

Sihmanhsehlaw Bawipa nih Faro cu a lung a ṭhawnter i Israel mi cu kalter a duh ṭhiamṭhiam hna lo.

EXODUS 10:27

Bawipa nih Faro cu a lung a ṭhawnter i kalter kha a duh hna lo.

EXODUS 11:10

Hi khuaruahharmi thil vialte hi Moses le Aaron nih Faro hmaiah khan an ser hna, sihmanhsehlaw Bawipa nih a lung a hahter caah Israel mi kha a ram chung cun a chuahter duh hna lo.

EXODUS 11:9

Bawipa nih Moses cu a chawnh i, “Izipt ram chungah hin khuaruahharmi thil kha ka tuah chinchin khawh rih hna nakhnga, Faro nih hin na bia kha an ngai lai lo,” a ti.

EXODUS 14:17

Izipt mi kha an lung ka hahter hna lai i rili chungah cun an dawi hna lai; cun Faro le a ralkapbu vialte le a rangleng hna cu ka tei hna lai i cu ka tei hnanak nih cun upatnak a ka pek lai.

EXODUS 14:4

Faro cu a lung ka ṭhawnter lai i a dawi hna lai i Faro le a ralkapbu cu ka tei hna lai, cu ka tei hnanak nih khan upatnak a ka hmuhter lai. Izipt mi nih keimah cu Bawipa ka si kha an hngalh lai,” a ti. Israel mi nih cun a chimh hna bang khan an tuah.

EXODUS 14:8

Bawipa nih Faro cu a lung kha a ṭhawnter i Bawipa zohkhenhnak thawngin a chuakmi Israel mi kha a dawi hna.

EXODUS 3:19

Hramhram in hnek lo ahcun Izipt siangpahrang nih cun an kalter duh hna lai lo ti cu ka hngalh ko.

EXODUS 3:20

Ka ṭhawnnak kha ka hman lai i cuka ah cun khuaruahharmi thil kha ka tuah hna lai i cu khuaruahharmi thil cun Izipt cu dan ka tat lai. Cu hnu ceo ah cun an kalter hna lai.

EXODUS 7:13

Faro cu a lung a ṭhawng i Bawipa nih a chim bantukte khan an bia kha ngaih a duh lo.

EXODUS 7:3

Sihmanhsehlaw Faro cu a lung ka ṭhawnter lai i Izipt ram chungah hin khuaruahharmi thil tampi ka tuah lai nain

EXODUS 8:11

Cun, “Utlak nih cun nangmah le na inn hna le na bawi pawl hna le na mi hna cu an in kaltak hna lai i tiva chung lawngah khan an um lai,” a ti.

EXODUS 8:15

Faro nih thil cu a hung ṭha deuh ṭhan ti kha a hmuh tikah a lung a hak ṭhan i Bawipa nih a rak chim bantukte khan Moses le Aaron cu an bia ngaih kha a duh ṭhan hna lo.

EXODUS 8:32

Sihmanhsehlaw cu caan tiang zongah cun Faro cu a lung a hak ṭhan i mi kha a kalter duh hna lo.

EXODUS 9:12

Sihmanhsehlaw Bawipa nih Faro kha a lung a hahter i Bawipa nih a rak chim bantuk khan a kalter duh ṭhiamṭhiam hna lo.

EXODUS 9:35

Bawipa nih Moses sinin a rak chim bantuk te khan lung hak cun a um i Israel mi cu kalter kha a duh hna lo.

ISAIAH 6:10

Cun a ka thawh ṭhan i, “Hi mi hna nih an hmuh khawh nakhnga lo le an theih khawh nakhnga lo le an hngalh khawh nakhnga lo, an lung pihter hna, an hna chehter hna law an mit cawtter hna. An hmuh khawh le an theih khawh le an hngalh khawh ahcun keimah lei ah an i mer sual lai i damnak an hmu sual lai,” a ti.

ISAIAH 63:17

Zeicahdah na lam zul loin na kan pialter? Zeicahdah kan lung na kan hahter i nangmah cu kan in mertak? Nangmah na rian a ṭuanmi hna ruangah le nangmah mi a si zungzal komi hna ruangah, ra kir ko sawh.

JOHAN 12:40

“Pathian nih an mit a cawtter hna i an lung a pinter hna, ‘Cu ti a si lo ahcun an mit nih khua a hmu sual hnga i an lung nih khua a hngal sual hnga i, Damnak hmuhnak ding caah keimah leiah an i mer sual hnga,’ tiah Pathian nih a ti,” tiah a ti fawn.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

ROM 9:18

Cucaah Pathian nih cun zaangfah a duhmi kha a zaangfah ko hna i an lung ṭhawnter a duhmi kha an lung cu a ṭhawnter ko hna.

2 KORIN 2:16

A tlau lio lengmangmi hna caah cun thihnak rimchia a si i khamh a si lio lengmangmi hna caah cun nunnak petu rimhmui a si. Cu bantuk rian cu aho nih dah a tuah khawh lai?

DEUTERONOMI 2:36

Arnon nelrawn kam i a ummi Aroer in le nelrawn chung i a ummi khua in Gilead tiang, kan ca i a sang tukmi khua pakhat hmanh an um lo; Bawipa kan Pathian nih kan kut chungah an dihlak in a kan pek.

JOSHUA 11:20

Bawipa nih Moses nawl a pek bangin hrawh cikcek an si i zaangfahnak um loin hloh cikcek an si nakhnga, an lung ṭhawnter i Israel mi hna doh cu Bawipa tuahmi a si.

1 PETER 2:8

Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.