EXODUS 4:15 - Lai (Hakha) Common Language Bible 2006

¹⁵ Amah kha chim ding cu na chimh lai. Nan pahnih in chim awk kha kan bawmh hna lai i nan pahnih in nan tuah awk kha kan chimh hna lai.

EXODUS 4:15 ပူးပေါင်းရင်းမြစ်များ

2 SAMUEL 14:3

cun siangpahrang sinah na va kal lai i hi bangin na va chim lai,” tiah a ti. Cuticun Joab nih a kaa chungah bia cu a khaih.

SALM 25:12

Bawipa nawl a zulmi nih an zulh awk hnga lam kha an hngalh lai.

SALM 51:15

Maw Bawipa, biachim ka bawm law nangmah cu kan thangṭhat lai.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

EXODUS 4:12

Cucaah cun va kal ko; na holhnak ah kan bawmh lai i na chim ding kha kan chimh lai,” a ti.

EXODUS 4:28

Pathian nih Moses cu kal a fial tikah a chimhmi vialte kha Moses nih cun Aaron cu a chimh dih i Bawipa nih tuah a fialmi khuaruahharmi thil vialte zong kha a chimh dih fawn.

EXODUS 4:30

Aaron nih cun, Pathian nih Moses a chimhmi vialte kha a chimh hna i khuaruahharmi thil vialte kha mi zapi hmaiah cun a ser hna.

ISAIAH 51:16

Van khi ka samh hna i vawlei hram cu ka bunh hna. Zion cu ka thawh i, ‘Nangmah cu ka mi na si! Keimah nih kan cawnpiak cang i ka kut in kan huhphenh,’ ka ti.”

ISAIAH 59:21

Cun hi biakamnak hi nanmah he ka ser lai: Ka ṭhawnnak in ka phunglam le cawnpiaknak kha kan pek hna, cun atu thawk in hmailei caan vialte tiang hi phunglam le cawnpiaknak cu nanmah le nan fale le nan tefa fachin hna nih nan ngaih awk le nan i cawnpiak awk a si,” a ti.

JEREMIAH 1:9

Khi tikah Bawipa nih a kut cu a hun samh i ka ka kha a tawngh; cun Bawipa nih cun a ka thawh i, “Zohhmanh, ka bia cu na ka chungah ka chiah cang hna.

JEREMIAH 36:32

Cun Jeremiah nih cazual dang pakhat kha aa lak i caṭialtu Baruk, Neriah fapa kha a pek i Judah siangpahrang Jehoiakim nih mei ah a khanghmi cazual chung i a ummi bia vialte kha Jeremiah nih a auhning in a ṭial ṭhan; cun cu bantuk bia cu Jeremiah nih tampi a chap.

NAMBAR 16:28

Cun Moses nih, “Keimah thinlung i a chuak chom in si loin, Bawipa nih pei mah rianṭuan awkah hin a ka thlah tiah ti kha mah hi hin nannih nih nan hngalh lai.

NAMBAR 22:38

Balaam nih Balak sinah cun, “Zohhmanh, nangmah sin ka ra phan cang! Keimah thamtham cu zeihmanh chim khawhnak nawl ka ngei i mei? Pathian nih ka ka chung i a chiahmi bia lawng pei ka chim khawh ko lai cu,” tiah a ti.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

1 KORIN 11:23

Zeicahtiah kan pek chinmi hna cawnpiaknak hi Bawipa sinin ka hmuhmi a si: kan Bawipa Jesuh cu an rawi zan ah khan chang kha aa lak i

1 KORIN 15:1

Atu cu ka u le ka nau hna, nannih kan chimhmi hna Thawngṭha kha hngalhter ṭhan kan duh hna; cucu nannih nih nan rak cohlan cangmi Thawngṭha, nan zumhnak nan bunhnak Thawngṭha kha a si i cu nih cun khamhnak kha an pek hna.

DEUTERONOMI 18:18

An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.

DEUTERONOMI 5:31

Sihmanhsehlaw nang cu, hika ah ka pawngah dir law, nawlbia vialte le phungbia le phunglam na cawnpiak laimi hna cu kan chimh lai, co awkah ka pekmi hna ram chungah an tuah hna lai, tiah a ti.

1 SAMUEL 16:3

Cun Jesse kha raithawinak ah cun va sawm law, nangmah nih zeidah na tuah awk a si kha kan hmuhsak lai; cun a min kan chimhmi kha nangmah nih chiti cu na ka thuhpiak lai,” tiah a ti.