EXODUS 4:13 - Lai (Hakha) Common Language Bible 2006

¹³ Sihmanhsehlaw Moses nih, “Bawipa, kei cu ka ngaithiam ko, midang tu thlah ko hna,” tiah a ti.

EXODUS 4:13 ပူးပေါင်းရင်းမြစ်များ

GENESIS 24:7

Vancung Pathian Bawipa nih, ka pa inn le ka sahlawh le ka rualchan vialte hna sinin a ka chuahpi i, hi ram hi na tefa ka pek hna lai, tiah chiatser tein bia a ka kam. A vancungmi kha na hmaiah a thlah lai i cuka ah cun ka fapa caah nupi ding na va hmuh ko lai.

GENESIS 41:35

a ra laimi kum ṭha kum sarih chungah hin rawl vialte kha pum hna seh. Cun nangmah nawl pekning in ṭuan hna seh law khuapi chungah khan rawl cu khong hna seh law cawng hna seh.

GENESIS 48:16

Harnak phun zakip chungin a ka chuahtu vancungmi nih thluachuah pe ko hna seh. Keimah ka min le ka pu Abraham min le ka pa Isak min cu an chungah hin nung seh. Fa tampi ngei hna seh law bu nganpi ah i chuah hna seh,” a ti.

1 SIANGPAHRANG 19:4

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw Bawipa, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

EXODUS 23:20

“Lampi i nanmah an huphengtu hna le ka timhmi ram i an luhpitu hna ah vancungmi pakhat ka thlah lai.

EXODUS 4:1

Moses nih cun a leh i, “Israel mi nih an ka zumh lo i ka chimmi an ngaih duh lo i, ‘Bawipa cu na sinah a lang pek lai lo,’ an ka ti ah tah zeitindah ka tuah lai?” a ti.

EXODUS 4:12

Cucaah cun va kal ko; na holhnak ah kan bawmh lai i na chim ding kha kan chimh lai,” a ti.

EXODUS 4:14

Bawipa cu Moses cungah khan a thin a hung i, “Levi mi na u Aaron kha a um a si lo mei? Amah cu bia chim a thiam ngaingaimi a si kha ka hngalh. Atu hi nangmah don awkah a ra lio i nangmah kha hmuh an duh ngaingai.

JEREMIAH 1:6

Khi tikah kei nih ka thawh i, “Aa, Bawipa Pathian! Zohhmanh, ngakchiate men ka si i biachim ka thiam lo,” tiah ka ti.

JEREMIAH 20:9

Bawipa kong cu ka lung chungah ka riahter ti lai lo i A min zongin bia ka chim ti lai lo, ka ti ah, A bia cu ka lung chungah hin mei bantukin a alh i ka ruh chungah hin mei linh bantukin aa khumh. Ka chung i tlaih peng kha ka celh ti lo i chuak loin ka tlai kho hrim ti lo.

JONAH 1:3

Sihmanhsehlaw Jonah cu Bawipa sinin zam awkah khan Tarshish khua lei tu i kal awkah aa thawh. Joppa khua ah khan a va kal i khika ah Tarshish khua lei i a kal dingmi lawng pakhat kha a hmuh. A kalnak ding man kha a pek dih in lawng kha aa cit i Bawipa nih a phak khawh lonak Tarshish khua ah khan, cu lawng cun ka kal lai, tiah a ruah.

JONAH 1:6

Lawng cawngtu hna haotu nih khan a hmuh i, “Naa hngilh hluahmah ko dah ngai! Tho law na pathian sinah thlacam ve hen, a hei kan zaangfah ahcun thi loin kan hei um phum ko hnga dah kaw,” tiah a ti.

MATTHAI 13:41

Mi Fapa nih hin vancungmi kha a thlah hna lai i a Pennak chung i ṭhat lonak a tuahtu vialte hna le mi a sualtertu vialte hna kha an pumh hna lai i

JOHAN 6:29

Jesuh nih cun a leh hna i, “Pathian nih tuah hna seh ti an duhmi hna rian cu hihi a si: a thlahmi zumh hi,” tiah a ti hna.

BIACEIHTU 2:1

Cun Bawipa vancungmi cu Gilgal in Bochim ah a hung kal. Cun amah nih, “Izipt ram in kan hunpi i na pupa hna sinah pek awkin chiat ka sermi ram chungah kan luhpi. ‘Nangmah he ka biakamnak cu ka hrawk bal lai lo i