EXODUS 4:11 - Lai (Hakha) Common Language Bible 2006

¹¹ Bawipa nih cun a thawh i, “Minung hi a ka cu aho nih dah a pek? Aho nih dah hnachet in a tuah i holh kho lo in a ser? Aho nih dah hmuhnak a pek i aho nih dah a mit a cawtter? Cu ti a tuahtu cu Bawipa hi ka si lo maw?

EXODUS 4:11 ပူးပေါင်းရင်းမြစ်များ

GENESIS 11:7

Cucaah cun pakhat le pakhat an holh an i hngalh khawh nakhnga lo, vung kal u si law an holh kha vung danter dih hna u sih,” a ti.

GENESIS 18:14

Bawipa caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

SALM 146:8

mitcaw kha khua hmuhnak a pek hna. Ṭhumhnak a ingmi kha a cawi hna i a dingmi a mi kha a dawt hna.

SALM 51:15

Maw Bawipa, biachim ka bawm law nangmah cu kan thangṭhat lai.

SALM 94:9

Kan hna a sertu cu Pathian a si, zeitindah hna sertu Pathian nih cun thei loin a um khawh lai? Kan mit a sertu cu Pathian a si, zeitindah mit sertu nih cun hmu loin a um khawh lai?

PHUNGTHLÛKBIA 20:12

Theihnak hna hna le hmuhnak mit hna hi Bawipa sermi an si dih.

ISAIAH 42:7

Mitcaw cu an mit na auter hna lai i a muimi thonginn chungah a ṭhumi cu na luatter hna lai.

ISAIAH 6:7

Meiṭil cun ka hmur kha a ka tawngh i, “Meiṭil nih na hmur an tawngh cang, cucaah cun mawhchiat awk na sinak cu a lo cang i na sualnak cu ngaihthiam na si cang,” a ti.

JEREMIAH 1:6

Khi tikah kei nih ka thawh i, “Aa, Bawipa Pathian! Zohhmanh, ngakchiate men ka si i biachim ka thiam lo,” tiah ka ti.

JEREMIAH 1:9

Khi tikah Bawipa nih a kut cu a hun samh i ka ka kha a tawngh; cun Bawipa nih cun a ka thawh i, “Zohhmanh, ka bia cu na ka chungah ka chiah cang hna.

EZEKIEL 33:22

An rat lai zan ah cun Bawipa kut cu ka cungah a tlung i an ka phak tikah zinglei ah cun Bawipa nih holh khawhnak kha a ka pek ṭhan. Ka holh kho ṭhan cang i holh loin ka um ti lo.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

LUKA 1:20

Ka bia cu na ka zum lo, asinain a caan a phak tikah cun a tling ṭhiamṭhiam te ko lai. Na zumh lo caah holh kho loin na um lai i kan chimhmi thil kha a tlin ni a phak hlantiang bia pakhat hmanh na chim kho lai lo,” tiah a ti.

LUKA 1:64

Cu cangka cun Zekhariah cu a holh kho ṭhan i Pathian kha a hun thangṭhat.

JOHAN 10:21

Sihmanhsehlaw a cheu nih, “Khuachia a ngeimipa nih cun hi bantukin bia a chim kho hnga lo. Zeitindah khuachia nih cun mitcawmi mit cu a deiter khawh lai,” an ti ve.