EXODUS 4:1 - Lai (Hakha) Common Language Bible 2006

¹ Moses nih cun a leh i, “Israel mi nih an ka zumh lo i ka chimmi an ngaih duh lo i, ‘Bawipa cu na sinah a lang pek lai lo,’ an ka ti ah tah zeitindah ka tuah lai?” a ti.

EXODUS 4:1 ပူးပေါင်းရင်းမြစ်များ

1 SIANGPAHRANG 13:3

Cun cu ni ṭhiamṭhiam ah cun hmelchunhnak pakhat a pek i, “Mah hihi Bawipa nih a chimmi hmelchunhnak cu a si: ‘Zohhmanh, biakṭheng kha a cim lai i a cung i a ummi vutcam hna cu thlet an si lai,’ a ti,” tiah a ti.

EXODUS 2:14

Cu pa nih cun aa thawh i, “Aho nih dah nangmah cu a kan uktu bawi le bia a kan ceihtu ding bawi ah an in ser? Izipt mipa na thah bantuk khan dahra thah na ka timh ve?” a ti. Moses cu a thin a phang i, “Ka tuahmi kha mi nih an hngalh ko cang hi ta,” tiah a ruah.

EXODUS 3:15

Cun Pathian nih Moses cu a thawh ṭhan i, “Israel mi cu, ‘Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,’ tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.

EXODUS 3:16

Va kal law Israel mi hruaitu pawl vialte kha va pum hna law, ‘Bawipa, nan pupa hna Pathian, Abraham Pathian, Isak Pathian, Jakob Pathian kha ka sinah a lang i, “Nan sinah ka ra i Izipt mi hna nih nan cungah zeidah an tuah ti kha ka hmuh cang;

EXODUS 3:18

Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, ‘Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,’ nan va ti lai.

EXODUS 4:10

Moses nih Bawipa cu, “Bawipa, kei cu ka ngaithiam ko; zapi sin biachim a thiammi ka si bal lo i na ka chawnh hnu zongah hin ka thiam hlei ṭhiamṭhiam lo, Bawipa. Kei cu biachim holhrel a thiam lomi, mikahak, leichum ka-aa ka si,” a ti.

EXODUS 4:30

Aaron nih cun, Pathian nih Moses a chimhmi vialte kha a chimh hna i khuaruahharmi thil vialte kha mi zapi hmaiah cun a ser hna.

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

EXODUS 6:12

Sihmanhsehlaw Moses nih khan Bawipa cu, “Israel mi hmanh nih ka bia an ngaih duh lo ahcun, zeitindah Faro chinchin nih cun a ngaih duh nemmam lai? Biachim holh rel ah le santlailo ngaimi ka si fawn,” a ti.

EXODUS 6:30

“Kei cu biachim holhrel ah san a tlai lo ngaimi ka si kha na hngalh, zeitindah Faro nih cun ka bia cu a ngaih duh lai?” a ti.

JEREMIAH 1:6

Khi tikah kei nih ka thawh i, “Aa, Bawipa Pathian! Zohhmanh, ngakchiate men ka si i biachim ka thiam lo,” tiah ka ti.

EZEKIEL 3:14

Thlarau nih a ka cawi i a ka zuanpi i lunglawmhnak he khat in ka kal i Bawipa kut cu ka cungah ṭhawng ngaiin a um.

LAMKALTU 7:25

(Pathian nih keimah cu anmah luattertu dingah a ka hman lai ti kha an hngalh lai tiah a ruah, sihmanhsehlaw an hngal lo).

BIACEIHTU 6:17

Cun anih nih, “Nangmah sinah mithmai ṭha ka hmuh a si ahcun, nangmah cu a ka chawntu na si tinak ah hmelchunhnak pakhat ka hmuksak tuah.