EXODUS 39:7 - Lai (Hakha) Common Language Bible 2006

⁷ Tlangbawi angki liang bahnak hnam ah cun an benh hna. Cu lungvar cu Israel fapa hna caah khan lung pemtertu lungvar an si i Bawipa nih Moses a chimh bantukte khan tuah a si.

EXODUS 39:7 ပူးပေါင်းရင်းမြစ်များ

NEHEMIAH 2:20

Khi tikah kei nih ka leh hna i, “Vancung Pathian nih khua awng a kan pemhter lai i kannih a sal hna nih hin kan tho lai i kan sak lai; sihmanhsehlaw nannih cu Jerusalem ah hin covo siseh, tinvo siseh, hngalh camcinnak siseh, nan ngei lai lo,” tiah ka ti.

EXODUS 28:12

Israel fapale hna kha philh lonak dingah, cu lungvar pahnih cu angki liang i bahnak a hnam ah khan na ṭhit chih hna lai. Cuticun Aaron nih khan an min cu a liang cungah aa chonh zungzal hna lai i Pathian nih a hngalh zungzal hna lai.

EXODUS 28:29

Aaron kha hmunthiang chung i a luh tikah a ṭang cung i a ummi biakhiahnak ṭangbenh cungah khan Israel fapa hna min kha an um lai i cuticun Bawipa nih annih cu a hngalh zungzal hna lai.

EXODUS 28:7

A kap veve ah khan a hnam pakhat veve an um lai.

MARKA 14:9

Hihi philh hlah u: Vawlei cung khuazakip i thawngṭha an chimnak paoh ah hi nu nih a tuahmi hi amah philh lonak caah an chim camcin lai,” tiah a ti.

JOSHUA 4:7

Khi tikah nannih nih Bawipa biakamnak kuang hmaiah Jordan tiva ti cu a cat; Jordan kha a tan tikah Jordan ti cu a cat, tiah nan chimh hna lai. Cucaah hi lung hna cu Israel mi caah zungzal hngalh camcinnak an si lai,” tiah a ti.