EXODUS 39:32 - Lai (Hakha) Common Language Bible 2006

³² Cuticun pumhnak thlam rian vialte cu lim an si. Bawipa nih Moses a chimh bantukte khan Israel mi nih cun an tuah.

EXODUS 39:32 ပူးပေါင်းရင်းမြစ်များ

1 SIANGPAHRANG 6:38

Cun a kum hleikhatnak, thla riatnak thla a simi Bul thla ah inn cu a dihlak in le rak tuakning te khan, lim a si. Kum sarih chung a saknak ah a rau.

1 SIANGPAHRANG 7:40

Hiram nih um hna le cawhlek hna le khengkuar hna zong kha a ser hna. Cuticun Hiram nih Bawipa inn ca i Siangpahrang Solomon a tuahpiakmi rian vialte kha a lim dih:

1 CHANRELNAK 28:19

Cun David nih aa thawh i, “Bawipa hrimhrim nih na tuah lai, tiah a ka fialmi tuahnak ding caah a ṭial in ṭialmi timhtuahnak chungah hi thil vialte hi an um dih,” tiah a ti.

EXODUS 12:28

Israel mi cu an kal i mahticun an tuah; Bawipa nih Moses le Aaron a fial hna ning khan an tuah.

EXODUS 25:40

Tlang cung i kan hmuhsakmi pungsan ningte khan ser naa zuam lai.

EXODUS 31:7

Cu ser awk tiah kan chimhmi cu, pumhnak thlam, biakamnak kuang, cu kuang a cung chin, pumhnak thlam chung thilri hman awk vialte,

EXODUS 39:31

Bawipa nih Moses a chimh bantuk te khan hri dum in lupawng par ah khan an ṭem chih.

EXODUS 39:33

Cun Moses sinah khan Pathian umnak puan biakinn, a cungkhuh thlam, a thilri vialte, a sio, a vampang, a thingthluan, a tung, an kedanh,

EXODUS 40:1

Bawipa nih Moses cu a thawh i,

EXODUS 40:3

Biakamnak hngalhter ṭhantu lungtlap hna umnak kuang kha a chungah na chiah lai i puanzar na khuh lai.

EXODUS 40:32

Bawipa nih Moses a chimh bantuk te khan pumhnak thlam i an luh le biakṭheng lei i an kal ah, an i ṭawl lengmang.

NAMBAR 3:31

Cun annih nih an zohkhenh awk hnga cu kuang le cabuai le meiinn tung le biakṭheng hna le, tlangbawi nih an hmanmi hmunthiang umkheng hna cu le puanzar an si lai; mah hna he aa tlaimi rian vialte.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

HEBRU 3:2

Moses cu Pathian innchungkhar rian ah a fel bantukin Jesuh zong cu hi rianṭuantu dingah a thimtu Pathian sinah khan zumh awk tlak tein a um ve.

HEBRU 8:5

Asinain cu tlangbawi hna nih rian an ṭuannak biakinn cu vancung i a ummi biakinn a mui le a thlam sawhsawh men a si. Puan biakinn kha Moses nih a ser lai tikah Pathian nih, “Tlang cung i a muisam kan hmuhsakmi bantukte khan zeizong vialte na tuah dih lai,” tiah a chimhmi bia nih khan a sawhmi cu hihi a si.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.