EXODUS 39:30 - Lai (Hakha) Common Language Bible 2006

³⁰ Cun Pathian sin pekmi ti hngalhnak hmelchunhnak cu sui thiang in an ser i min khenhnak cung ṭial bang khin “Bawipa sin pekmi,” tiah an ṭial.

EXODUS 39:30 ပူးပေါင်းရင်းမြစ်များ

EXODUS 26:36

Thlam luhnak innka ca zongah tuuhmul a sen, a dum, senduk le khumla hrual hmang ṭhia in innka zar na ser hna lai i ṭha tein na ṭamh hna lai.

EXODUS 39:29

taisawm cu khumla hrual hmangṭhia le tuuhmul a dum, sendung le a senmi in an ser hna i dawh tein an ṭamh hna; Bawipa nih Moses a chimh bantuk te khan an ser hna.

EXODUS 39:31

Bawipa nih Moses a chimh bantuk te khan hri dum in lupawng par ah khan an ṭem chih.

ZEKHARIAH 14:20

Khi ni ah cun raltuknak rangtum cung i dar khi-ing kha, “Bawipa caah a thiang,” tiin ṭialmi pakhat hmanh a um ti lai lo i Bawipa inn chung i a ummi um hna cu biakṭheng hmai i khengkuar bantuk an si lai.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.