EXODUS 38:24 - Lai (Hakha) Common Language Bible 2006

²⁴ Biakinn chung hmanmi sui cu a dihlak in pawng thong hnih za le sawm kua panga a si. Bawipa sinah pekchanhmi biakinn cuaithlainak in thlaimi an si.

EXODUS 38:24 ပူးပေါင်းရင်းမြစ်များ

EXODUS 25:2

“Israel mi cu va chim hna law keimah caah thawhlawm tho hna seh. Ahohmanh an si ah thawhlawm pek a ka duhmi cu an thawhlawm kha na cohlanpiak hna lai.

EXODUS 29:24

Hi rawl vialte hi Aaron le a fapa hna kut chungah khan na chiah hna lai i Bawipa sinah an pekchanh hna lai; an pekchanh hna tikah an kut in an hler hna lai.

EXODUS 30:24

kassia zihmui pawng kul, (hi vialte hi biakinn i hmanmi cuaithlainak in tah an si lai), cun oliv chiti pawng hleihnih.

EXODUS 35:22

Nu he pa he an ra; rak put a duhmi paoh nih khan ṭamhnak ṭhim hna le hnatonh hna le kutdonghrolh hna le ṭhi hna le sui hlawn a phunphun kha an rak put hna. Bawipa sin pekmi thawhlawm caah tiin an pekchanhmi sui hlawn kha an rak put cio hna.

LEVITIKAS 27:25

Man tuaknak paohpaoh cu biaknak inn shekel ning in a si lai: shekel pakhat ah gerah pakul a si lai.

LEVITIKAS 27:3

na tuakning man in cu pa cu luatter a si lai: kum kul in sawm ruk tiangah ngun shekel sawm nga, biakinn shekel in thlaimi a si lai.

LEVITIKAS 5:15

“Ahohmanh nih phung a buar i Bawipa thil a thiangmi pakhatkhat cungah hngalh loin a sual ahcun, Bawipa sin i phungbuar thawinak caah tuurun chungin tuukawng pakhat dotla a rak put lai; hmunthiang i shekel ning khan ngun shekel zeizat man a si kha na tuak lai; mah cucu phungbuar thawinak a si.

HAGGAI 2:8

Ngun cu keimah ta a si, sui cu keimah ta a si, tiah ralkapbu Bawipa nih a ti.

NAMBAR 18:16

Cun an tlanhnak man cu (thla khat an ti tikah na tlanh hna lai) gerah pakul a simi hmunthiang shekel ningin ngun shekel panga ah na khiah lai.

NAMBAR 3:47

pakhat ah shekel panga lengmang na lak lai; hmunthiang shekel ning i rel in, shekel pakhat i gerah pakul a simi kha, na lak hna lai;