EXODUS 36:4 - Lai (Hakha) Common Language Bible 2006

⁴ Biakinn a satu zungthiam pawl nih khan an rian cio cu an kaltak zau i Moses sinah cun an ra i

EXODUS 36:4 ပူးပေါင်းရင်းမြစ်များ

2 CHANRELNAK 24:13

Cuticun rian ṭuan awk i fialmi hna nih khan an ṭuan i an kut chungah inn remhnak rian cu ṭha tein a kal i Bawipa inn cu a sining ding kha an siter ṭhan i an fehter.

EXODUS 36:3

Israel mi nih biakinn saknak caah an thawhmi thawhlawm vialte cu Moses nih khan a pek hna. Israel mi nih khan an thawhlawm cu zingfate in Moses sinah khan an rak put lengmang.

EXODUS 36:5

“Bawipa nih a kan fialmi rianṭuannak caah mi zapi nih an rak putmi cu a za leng a si cang,” an ti.

MATTHAI 24:45

“Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

LUKA 12:42

Bawipa nih a leh i, “A si ahcun, aho cu dah zumhawktlak le a fimmi sal cu a si? Zumhawktlak le a fimmi sal cu a bawipa nih a innchungkhar zohkhenhtu ah a chiah i sal dang kha anmah le an caan te cio ah an co awk hnga rawl a pemi hna cu a si.

1 KORIN 3:10

Pathian nih pahrang a ka pekmi kha ka hman i inn sak a thiam ngaingaimi bantukin inn saknak ding a hram kha ka bunh, cun a dang pakhat nih a cungah khan a run sak. Sihmanhsehlaw zeitindah kan sak ti kha ahohmanh kan i ralrin awk cio a si,