EXODUS 36:2 - Lai (Hakha) Common Language Bible 2006

² Moses nih Bezalel le Oholiab le Bawipa nih thiamnak a pekmi zungthiam pawl vialte, rianṭuan awk caah timhcia in a ummi vialte hna kha a auh hna i rian cu thawk cang u tiah a ti hna.

EXODUS 36:2 ပူးပေါင်းရင်းမြစ်များ

1 CHANRELNAK 28:21

Cun Pathian inn rianṭuannak vialte ca i tlangbawi bu hna le Levi mibu hna hi zoh tuah hna; cun hi rian vialte ah hin zungthiammi paoh nih anmah le an thiamnak zawn rian paoh ah khan an in ṭanpi lai i bawi hna le mi vialte hna zong hi nangmah nawl tangah an um dih lai,” tiah a ti.

1 CHANRELNAK 29:5

cun zungthiam hna tuah awk a simi caah sui thilri caah sui, ngun thilri caah ngun kha ka thawh hna. Cucaah nihin ah hin Bawipa sinah mah le mah i pekchanh in lungtho tein ahodah siannak in a tho vemi nan si lai?” tiah a ti.

EXODUS 25:2

“Israel mi cu va chim hna law keimah caah thawhlawm tho hna seh. Ahohmanh an si ah thawhlawm pek a ka duhmi cu an thawhlawm kha na cohlanpiak hna lai.

EXODUS 25:40

Tlang cung i kan hmuhsakmi pungsan ningte khan ser naa zuam lai.

EXODUS 28:3

Keimah nih thiamnak ka pekmi hna zungthiam vialte kha Aaron thuam cu serter hna law Aaron nih cun ka tlangbawi rian cu ṭuan seh.

EXODUS 31:6

Cun amah sin i a ṭuan ve dingah cun Dan phun chung mi Ahisamak fapa Oholiab kha ka thim cang fawn. Cun zungthiam dang vialte kha thiamnak phunphun ka pek hna i cucaah ser awk tiah kan chimhmi vialte kha an ser khawh hna lai.

EXODUS 35:10

“Nan lak i zungthiam paohpaoh kha nan ra lai i Bawipa fialmi vialte kha nan ser hna lai. Cu nan ser ding cu hi hna hi an si:

EXODUS 35:2

‘Ni ruk chung nan rian kha nan ṭuan lai, sihmanhsehlaw ni sarih ni cu nan caah ni zarh a si lai, Bawipa sinah pekmi dinh ni a si. Cu ni i rian a ṭuanmi paoh cu thah a si lai.

EXODUS 36:1

“Bazalel le Oholiab le Bawipa nih thiamnak le hngalhnak a pekmi zungthiammi vialte hna, biakinn saknak caah a herhmi thil paohpaoh tuah a thiammi hna nih khan, zeizong vialte cu Bawipa nih a chimning tein an ser awk a si lai,” a ti hna.

EXODUS 36:3

Israel mi nih biakinn saknak caah an thawhmi thawhlawm vialte cu Moses nih khan a pek hna. Israel mi nih khan an thawhlawm cu zingfate in Moses sinah khan an rak put lengmang.

LAMKALTU 14:23

Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.

KOLOSE 4:17

Cun Arkhipas kha, “Bawipa rian chungah ṭuan ding an in fialmi kha rak lim hrimhrim seh an in ti,” tiah rak chim u.

HEBRU 5:4

Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.