EXODUS 32:7 - Lai (Hakha) Common Language Bible 2006

⁷ Bawipa nih Moses kha a thawh i, “Khulrang in vung ṭum tuah, zeicahtiah Izipt ram in na chuahpimi na mi hna nih khan an cungah ningzahnak an i tlunter cang.

EXODUS 32:7 ပူးပေါင်းရင်းမြစ်များ

2 CHANRELNAK 27:2

A pa Uzziah nih a tuahmi vialte ning khan Bawipa mithmuh ah thil dik kha a tuah — Bawipa biakinn bel kha a luhhnawh lo. Sihmanhsehlaw mi zapi nih khan ṭhat lonak kha an tuah lengmang ko.

SALM 78:36

Sihmanhsehlaw an bia cu lih lawngte a si i an chimmi paoh cu hlennak lawngte a si.

EXODUS 19:24

Bawipa nih Moses cu, “Vung kal law Aaron kha hun i kaipi. Asinain tlangbawi hna le mi zapi hna nih khan ka sin rat awkah ramri kha an lonh hrimhrim lai lo, dan ka tat sual hna lai,” a ti.

EXODUS 32:1

Moses cu tlang cungah khan saupi a um i a rung ṭum ti lo tikah khan, Israel mi nih cun Aaron kha an pumhhnawh i, “Izipt ram in a kan chuahpitu Moses kha zei a can kan hngal ti lo, cucaah cun a kan hruaitu dingah pathian kan serpiak tuah,” an ti.

EXODUS 32:11

Sihmanhsehlaw Moses nih Bawipa a Pathian cu a nawl i, “Maw Bawipa, zeicahdah Izipt ram in na ṭhawnnak le na lianhngannak he na chuahpimi na mi hna cu na thinhunnak in na khangh hna lai?

EXODUS 32:4

Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

EXODUS 33:1

Bawipa nih Moses kha a thawh i, “Hi hmun hin Izipt ram i na chuahpimi hna he khan chuak u law, Abraham le Isak le Jakob sinah, ‘Hi ram hi nan tefa ka pek hna lai,’ tiah bia ka kammi ram ah khan kal u.

ISAIAH 1:4

A! misual phun, ṭhat lonak in a khat i dinlonak a tuah pengmi hna, nannih cu nan lo cang. Bawipa Israel Pathian Thiang cu nan hlawt i hnulei nan chit caah nan sualnak nih chuk ah an hnuh cang hna.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

DEUTERONOMI 31:29

Zeitintiah ka thih hnuah cun thil ṭhalo kha nan tuah hrimhrim lai i nawl kan pekmi hna lam khan nan pial lai tiah ka hngalh ko; cun Bawipa mithmuh ah ṭhat lonak nan tuah i nan kut rianṭuannak in a thin nan hunter caah, hmailei ah ṭhat lonak nih an tlunhnawh hna lai,” tiah a ti.

DEUTERONOMI 32:5

Annih nih a cungah ṭhat lonak an tuah, An dotlak lonak thawngin a fale an si ti lo; Milolak le mizer chan an si.

DEUTERONOMI 4:16

nanmah caah suaimi mui, zei bantuk mui hmanh a ken a si zongah, mipa bantuk maw minu bantuk maw,

DEUTERONOMI 9:12

Khi tikah Bawipa nih ka sinah, ‘Tho law, hika hin khulrang tein vung kal tuah, zeitintiah Izipt ram in na chuahpimi na mi hna nih thurhnawm ngaiin an i tuah cang; zulh awkah nawl ka pekmi hna lam khan khulrang tein an pial cang; annih caah thletmi siasal an i ser,’ tiah a ti.

DEUTERONOMI 9:8

Horeb hmanh ah Bawipa kha a thin na phawh i, na cungah Bawipa cu a thin a hun tuk hringhran caah nangmah kha hrawh awk deng tiang aa tim.

BIACEIHTU 2:19

Sihmanhsehlaw biaceihtu cu a thih fate, annih cu an i mer ṭhan i an pale nakkhan chia deuh in an nung, pathian dang kha an zulh hna i an biak hna i an hmaiah an kun; an tuah tawnmi le lungkhong lam an zulh tawnmi kha pakhat hmanh an hlaw hna lo.