EXODUS 32:4 - Lai (Hakha) Common Language Bible 2006

⁴ Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

EXODUS 32:4 ပူးပေါင်းရင်းမြစ်များ

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

1 SIANGPAHRANG 12:32

Cun Jeroboam nih thla riatnak thla a ni hleinga ni ah khan, Judah ram chung i a ummi puai bantuk puai pakhat ngeih awk a si lai, a ti i biakṭheng cungah raithawinak kha a pekchanh hna; cu bangin Bethel khua ah cun a tuah, amah nih a sermi cawfa hna kha raithawinak a pekchanh hna. Cun khuahrum bo a sermi ca i tlangbawi hna cu Bethel ah a chiah hna.

2 SIANGPAHRANG 10:20

Cun Jehu nih, “Baal caah pumhnak thiang pakhat tuah u,” tiah nawl a pek. Cucaah mah cucu an thanh.

2 SIANGPAHRANG 10:29

Sihmanhsehlaw Nebat fapa Jeroboam nih Israel mi a rak sualter hnanak, sui cawfa Bethel i a ummi kha le Dan i a ummi hna kha a pialtak hna lo.

2 CHANRELNAK 11:15

a sermi khuahrum bo hna le mehehtum hna ca le cawfa hna caah khan amah a fapale hna kha tlangbawi ah a ser hna.

2 CHANRELNAK 13:8

“Atu cu mi tampi nan si ca le Jeroboam nih pathian an serpiakmi hna sui cawfa kha nan sinah nan i chiah hna caah nannih nih David fapa hna kut chung i Bawipa pennak cu doh awkah nan ruah.

NEHEMIAH 9:18

Annih nih thlet chommi cawfa kha an i ser i, ‘Izipt ram in a kan chuahpitu kha Pathian cu mah hihi a si,’ tiah an ti i na min an in thangchiat hmanh ah khan

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 20:23

Keimah he biak ṭi awkah, sui in siseh, ngun in siseh pathian nan i ser hna lai lo.

EXODUS 20:4

“Vancung i a ummi thil si hna seh, vawlei i a ummi thil si hna seh, ti chung i a ummi thil si hna seh, vawlei tang i a ummi thil si hna seh, cu hna mui he aa lo in siasal zeihmanh nan i ser lai lo.

EXODUS 28:11

Sui sertu hna thiamnak le minkhenhnak sertu hna thiamnak in, lungvar pahnih hna cungah cun Israel fapa hna min cu na ṭial hna lai i lungvar cu sui tlangkawm chungah na ṭhutter lai.

EXODUS 28:9

Karnelian lungvar pahnih kha na lak hna lai i cu lungvar cungah cun Israel fapa hna an min kha na ṭial hna lai;

EXODUS 32:1

Moses cu tlang cungah khan saupi a um i a rung ṭum ti lo tikah khan, Israel mi nih cun Aaron kha an pumhhnawh i, “Izipt ram in a kan chuahpitu Moses kha zei a can kan hngal ti lo, cucaah cun a kan hruaitu dingah pathian kan serpiak tuah,” an ti.

EXODUS 32:24

Kei nih ka thawh hna i, ‘Ahodah sui a ngei?’ ka ti hna i sui hlawn a ngeimi nih khan an hlawn cu an i phuah i an ka pek i kei nih mei chungah ka paih hna i hi cawfa hi a hung chuak ko,” tiah a leh.

EXODUS 32:3

Cucaah mi nih khan an dihlak in an sui tumbul cu an i phoih i Aaron sinah khan an rak put.

EXODUS 32:35

Aaron kha cawfa ser an hnek caah Bawipa nih mi zapi cungah cun rai a tlunter.

EXODUS 32:5

Cun Aaron cu a thin a phang i sui cawfa hmaiah cun biakṭheng pakhat a ser i mi zapi cu, “Thaizing ah Bawipa upatnak caah puai a um lai,” tiah a thanh hna.

EXODUS 32:7

Bawipa nih Moses kha a thawh i, “Khulrang in vung ṭum tuah, zeicahtiah Izipt ram in na chuahpimi na mi hna nih khan an cungah ningzahnak an i tlunter cang.

EXODUS 32:8

Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

ISAIAH 46:6

Mi nih an tangka bawm kha an kau i sui kha an bungh hna; cuaithlainak in ngun kha an thlai hna. Sui soser pakhat kha pathian kan serpiak tiah an fial i cu hmaiah cun an kun i cucu an biak.

EZEKIEL 23:8

Izipt ram i a vung i thiammi hornak lam kha ngol a duh lo, khika ah a no lioah khan pa nih an rak ihpi i a thiangmi a hnuk kha an rak hmehpiak i an rak sual.

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

HOSEA 13:2

Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

LAMKALTU 17:29

Kannih cu Pathian fa kan si caah, minung nih an fimnak le an thiamnak in an sermi sui milem maw, ngun milem maw, lung milem maw ah khan, Pathian cu kan ruah awk a si lo.

LAMKALTU 7:41

Khi tikah khan pei cawfa mui in siasal pakhat an ser i raithawinak an pek i anmah lila nih an sermi conglawmhnak ca i puai an ser kha a si cu.

1 KORIN 10:7

an lak i a cheu nih siasal an rak biak bangin biak ve lo awkah ralrin a kan petu ding an si. Cathiang nih a ti bantukin, “Cu mi hna cu ei awk le din awkah an ṭhu i laam awkah an tho.”

DEUTERONOMI 9:16

Khua ka zoh i zohhmanh, Bawipa nan Pathian cungah nan sual cang; thletmi cawfa kha nan i ser cang; Bawipa nih zulh awkah nawl an pekmi hna lam khan khulrang tein nan pial cang.

BIACEIHTU 8:24

Cun Gideon nih annih cu, “Thil pakhat bel hal kan duh ko hna; nan dihlak in nan hranchaw chung i hnatonh kha ka pe cio tuah u,” tiah a ti hna. (Zeitintiah Ishmael mi an si caah sui hnatonh an ngei.)

BIACEIHTU 8:27

Cun mah cu cun Gideon nih tlangbawi angki a ser i amah khua, Ofrah khua ah cun a chiah; cun mah cucu Israel mi vialte nih hlawhhlang an celhhnawh i Gideon le a innchungkhar caah foihnak ah a cang.