EXODUS 32:30 - Lai (Hakha) Common Language Bible 2006

³⁰ A thaizing ah Moses nih mizapi cu a thawh hna i, “Ṭih a nung ngaingaimi sualnak nan tuah cang. Asinain Bawipa sinah tlang cungah ka hung kal lai i nan sual ngaihthiamnak ding kha ka hung hal lai, nan sualnak ngaihthiamnak cu a hmuh zong maw ka hei hmuh khawh phum,” a ti.

EXODUS 32:30 ပူးပေါင်းရင်းမြစ်များ

2 SAMUEL 12:9

Zeicahdah ka mithmuh i ṭhat lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah.

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

2 SIANGPAHRANG 17:21

Israel kha David innchungkhar sinin a thleh tikah Nebat fapa Jeroboam cu siangpahrang ah an ser. Cun Jeroboam nih Israel cu Bawipa zulhnak khan a pialpi i a nganmi sualnak kha a tuahter hna.

SALM 99:6

Moses le Aaron cu a tlangbawi an si, Samuel cu a sinah thla a rak cammi pakhat a si; Bawipa cu an auh i a leh hna.

EXODUS 32:29

Moses nih Levi mi cu a thawh hna i, “Nihin ah hin Bawipa tlangbawi rian ṭuan awkah nan i thleidang cang; cu nan i thleidannak cu nan fale hna le nan unau hna nan thah hna thawng hin a si; cucaah nannih cu Bawipa nih nihin ah a thluachuahnak an pek hna,” a ti.

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

JONAH 3:9

Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

NAMBAR 16:47

Moses nih a chim bangin Aaron nih a lak i aa pummi hna chungah khan a le; cun, zohhmanh, mi hna lakah khan rai cu tlun hram a rak thawk cang; cun zihmui kha a phulh i mi kha remnak a serpiak hna.

NAMBAR 25:13

mah cucu amah ca le a hnu i a tefa hna caah dong lo tlangbawi sinak biakamnak a si lai, zeicahtiah a Pathian kha a ṭanh i Israel mi caah remnak a ser,’ tiah va chim tuah,” tiah a ti.

LUKA 15:18

Ka tho lai i ka pa sinah ka kal lai i, “Ka pa, Pathian sin le na sinah ka sual cang.

LUKA 7:47

Cucaah hihi kan chimh, dawtnak nganpi a langhtermi nih khan a sualnak tampi a simi cu ngaihthiam an si cang, ti kha a langhter. An sualnak tlawmte lawng ngaihthiam a simi hna nih cun dawtnak tlawmte lawng an langhter ve,” tiah a ti.

ROM 9:3

Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

1 SAMUEL 12:17

Nihin hi changvut ṭuan ni a si lo mei? Khua a ritter i ruah a surter nakhnga, Bawipa kha ka auh lai i nan ca i nannih nih siangpahrang nan halnak kongah hin Bawipa hmai i nan tuahmi nan ṭhat lonak kha a ngan, ti kha nan hngalh lai i nan hmuh lai,” tiah a ti.

1 SAMUEL 12:19

Cun mi vialte nih Samuel sinah cun, “Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi,” tiah an ti.

1 SAMUEL 12:20

Cun Samuel nih mi sinah cun, “Ṭih hlah u; hi thil ṭhalo vialte hi nan tuah cang, asinain Bawipa nan zulhnak khan pial loin nan lungthin dihlak in Bawipa rian kha ṭuan tuah u;

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

1 SAMUEL 2:17

Cu bangin tlangval hna sualnak cu Bawipa mit hmuh ah khan a ngan ngaingai ko, zeicahtiah annih nih Bawipa sin pekchanhnak kha zawmhtaih serhsat in an tuah.