EXODUS 32:29 - Lai (Hakha) Common Language Bible 2006

²⁹ Moses nih Levi mi cu a thawh hna i, “Nihin ah hin Bawipa tlangbawi rian ṭuan awkah nan i thleidang cang; cu nan i thleidannak cu nan fale hna le nan unau hna nan thah hna thawng hin a si; cucaah nannih cu Bawipa nih nihin ah a thluachuahnak an pek hna,” a ti.

EXODUS 32:29 ပူးပေါင်းရင်းမြစ်များ

2 CHANRELNAK 35:3

Israel mi vialte kha a cawnpiak hna i Bawipa sinah a thiangmi Levi mi kha a thawh hna i, “Israel siangpahrang David fapa Solomon nih a sakmi inn chungah khan kuang thiang kha chia u, nan liang in nan i zawnh a hau ti lai lo. Atu cu Bawipa nan Pathian le a mi Israel mi an rian kha ṭuan tuah u.

EXODUS 32:28

Moses nih a fial hna bang khan Levi mi nih cun an tuah i cu ni ah cun mi thong thum tluk an thah hna.

EXODUS 32:30

A thaizing ah Moses nih mizapi cu a thawh hna i, “Ṭih a nung ngaingaimi sualnak nan tuah cang. Asinain Bawipa sinah tlang cungah ka hung kal lai i nan sual ngaihthiamnak ding kha ka hung hal lai, nan sualnak ngaihthiamnak cu a hmuh zong maw ka hei hmuh khawh phum,” a ti.

PHUNGTHLÛKBIA 21:3

Dinnak le biading tuah kha, raithawinak nakin Bawipa nih a cohlan deuhmi a si.

ZEKHARIAH 13:3

Cun profet kha an chuah ṭhan ahcun, an nu le an pa hrimhrim hna nih khan an thawh hna lai i, “Bawipa min in ahmaan lomi bia nan chim caah nan nung ti lai lo,” an ti hna lai. Anmah nih bia kha an chim peng ko ahcun, an nu le an pa hrimhrim nih khan, tleng lakin an chunh hna lai.

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.