EXODUS 32:27 - Lai (Hakha) Common Language Bible 2006

²⁷ annih cu a thawh hna i, “Bawipa Israel Pathian nih, ‘Annih nih an vainam kha i lak hna seh law hi kutka hin khi kutka tiang riahhmun chungah hin i chawk hna seh, cun an unau si hna seh, an hawikom si hna seh an innpa si hna seh, that hna seh,’ a ti,” tiah a ti.

EXODUS 32:27 ပူးပေါင်းရင်းမြစ်များ

2 SIANGPAHRANG 10:25

Cucaah khangh thawinak pekchanh kha a lim cangka in, Jehu nih ralvengtu hna le an bawi hna cu, “Lut u law, that hna u; pakhat hmanh luatter hna hlah u,” tiah a ti. Cucaah vainam in an sam hna i ralvengtu hna le an bawi hna nih khan lengah an hlonh hna i Baal inn chungchin dal ah khan an lut i

EXODUS 32:26

Cucaah Moses cu riahhmun kutka ah khan a dir i, “Ahodah Bawipa lei ṭang nan si? Bawipa lei i a ṭangmi cu hika ah hin ra u,” tiah a au. Levi mi vialte kha a sinah cun an i pum i

EXODUS 32:28

Moses nih a fial hna bang khan Levi mi nih cun an tuah i cu ni ah cun mi thong thum tluk an thah hna.

EXODUS 32:29

Moses nih Levi mi cu a thawh hna i, “Nihin ah hin Bawipa tlangbawi rian ṭuan awkah nan i thleidang cang; cu nan i thleidannak cu nan fale hna le nan unau hna nan thah hna thawng hin a si; cucaah nannih cu Bawipa nih nihin ah a thluachuahnak an pek hna,” a ti.

EZEKIEL 9:5

Cun a dang hna cu, “Khua chungah khan zul u law zaangfahnak um loin that hna u, ngan hna hlah u.

NAMBAR 25:5

Cun Moses nih Israel mi biaceihtu hna sinah cun, “Nan mi hna lakah Peor i Baal he aa khitbanh chihmi paoh cu nan thah hna lai,” tiah a ti.

LUKA 14:26

“Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

DEUTERONOMI 13:10

Amah nih nangmah cu, Izipt ram chungin, sal taannak inn chung cun an chuahtertu Bawipa na Pathian sinin pialter awk kha a kawl caah lung in thi lakin na cheh lai.

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,