EXODUS 32:16 - Lai (Hakha) Common Language Bible 2006

¹⁶ Pathian sermi an si i an cung i aa ṭialmi cu Pathian ṭialmi an si.

EXODUS 32:16 ပူးပေါင်းရင်းမြစ်များ

JOB 19:24

Zungzal a hmun dingin thir cafung le suan in Lung cungah khenh si hna seh law ka hei duh dah!

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 32:15

Moses cu aa mer i tlang cung cun a vung ṭum, a kut in biakamnak lungtlap pahnih kha aa put hna i cu lungtlap cu a kap hnih in an i ṭial.

EXODUS 32:17

Joshua nih mi an au len thawng kha a theih i Moses cu, “Riahhmun ah raldohnak thawng ka theih,” tiah a chimh.

EXODUS 34:1

Bawipa nih Moses cu a thawh i, “Lungtlap pahnih, hmasa i bantuk, na khuaimi bantuk kha ser ṭhan hna. An cungah cun hmasa lungtlap cung i a ummi bia kha ka ṭial ṭhan hna lai.

EXODUS 34:4

Cucaah Moses nih cun hmasa i bantuk kha lungtlap pahnih cu a ser ṭhan hna i a thaizing zingkate ah Bawipa nih a fial bangin Sinai Tlang cungah cun a kai i lungtlap pahnih cu aa put hna.

2 KORIN 3:3

Hi ca a ṭialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in ṭial si loin minung lungthin cungah a nungmi Pathian Thlarau nih a ṭialmi a si.

2 KORIN 3:7

Nawlbia cu lungtlap cungah khan cafang in ṭial a rak si i cu nawlbia cu annih kha pek a si lioah khan Pathian sunparnak cu a lang. Moses hmai i a rak ummi ceunak cu a lang. Moses hmai i a rak ummi ceunak cu a ziam zau ko nain cu ceunak cu a rak ṭhawn tuk caah khan Israel mi nih Moses kha dengteo in an rak zoh ngam lo. Thihnak tluntertu a simi Nawlbia hmanh, cu bantuk sunparnak he a rat a si ahcun,

DEUTERONOMI 10:1

“Khi caan ah Bawipa nih ka sinah, ‘Hmasa i bantuk a simi lung tlap pahnih in ser hna law, tlang cungah ka sinah ra kai tuah, cun thingkuang zong ser tuah.

DEUTERONOMI 9:15

Cucaah kaa mer i tlang in ka rung ṭum i tlang cu mei in a kang; cun biakamnak lungtlap pahnih hna cu ka kut pahnih chungah an um.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.