EXODUS 31:3 - Lai (Hakha) Common Language Bible 2006

³ Thil dawh tein ser khawhnak dingah thiamnak le thil ti khawhnak le hngalhnak a ngeih nakhnga Pathian thlarau in ka khahter cang.

EXODUS 31:3 ပူးပေါင်းရင်းမြစ်များ

1 SIANGPAHRANG 3:9

Cucaah na mi hi uk khawhnak caah a ṭha le a chia kha ka thleidan khawh nakhnga, na salpa hi hngalhthiamnak lungthin ka pe tuah; zeicahtiah, aho nih dah hi na miphun ngan hi a uk khawh hna lai?” tiah a ti.

1 SIANGPAHRANG 7:13

Cun Solomon Siangpahrang nih Tair in Hiram kha a hei cah i an ratpi.

1 SIANGPAHRANG 7:14

Amah cu Naftali phun chung i nuhmei pakhat i a fapa a si i a pa cu Tair mi a si, amah cu dar lei i zungthiam a si; amah cu dar leiah cun fimnak le hngalhthiamnak le zung thiamnak in a khatmi a si. Siangpahrang Solomon sinah khan a ra i a rian vialte kha a ṭuanpiak.

2 CHANRELNAK 2:7

Cun ka pa David nih a rak i roihmi hna, Judah ram le Jerusalem i ka sinah a ummi zungthiam hna sin i a um dingah, sui le ngun le dar le thir lei i zung a thiammi, puan sendung, senpau le a dum lei zong i zung a thiammi, cun ṭamhnak zei ṭial paoh a thiammi pakhat in rak ka kua.

EXODUS 28:3

Keimah nih thiamnak ka pekmi hna zungthiam vialte kha Aaron thuam cu serter hna law Aaron nih cun ka tlangbawi rian cu ṭuan seh.

EXODUS 31:4

Cun a thiamnak cu hihi a si lai: pungsan dawh ngaiin ser khawh le sui le ngun le dar in ṭamh khawh le

EXODUS 35:31

Amah cu Bawipa nih Pathian Thlarau in a khahter caah thil dawh a phunphun ser khawhnak thiamnak le thil ti khawhnak le hngalhnak kha a ngei i

EXODUS 35:35

Lung ṭialtu hna le pungsan suai thiammi hna le tuuhmul a dum, a sendung, a sen le khumla hmang ṭhia tah a thiammi hna le puantah thiammi hna zungthiamnak kha, thil a phunphun an tuah khawh nakhnga a pek hna. Thil a phunphun kha an tuah khawh i pungsan suai thiam ngaingaimi an si.

PHUNGTHLÛKBIA 2:6

Zeicahtiah Bawipa nih cun fimnak kha a pek hna i hngalhnak le hngalhthiamnak kha a cawnpiak hna.

ISAIAH 28:26

Pathian nih a cawnpiak caah a rian kha a ṭuanning a thiam.

ISAIAH 28:6

Biaceihtu hna kha dinnak lungthin a pek hna lai i khua kulhnak kutka ah ral a rak khirhtu hna kha ralṭhatnak a pek hna lai.