EXODUS 30:18 - Lai (Hakha) Common Language Bible 2006
18 “Kut ṭawlnak caah dar hmaihum pakhat na ser lai i a hunnak zong dar in na ser lai. Pumhnak thlam le biakṭheng karlak ah khan na chiah lai i a chungah ti na chiah lai.
Cun hmaihum pakhat a ser, a bial i khattelei tlang in khattelei tlang cu dong hra a si, a san cu dong nga a si i a velchum in tah tikah dong sawm thum a si.
Cun i ṭawlnak dar um pahra a ser hna; i ṭawlnak um pakhat nih bath sawm li cio an tlum, i ṭawlnak um pakhat cu dong li cio an si i hunnak pahra hna nih khan pakhat cio in an co hna.
Kut ṭawlnak kheng pahra a ser fawn hna, panga cu thlanglei kamah a chiah hna i panga cu chaklei kamah a chiah hna. Hi hna chungah hin khangh thawinak ca a simi thil kha an tlengh hna i hmaihum cu tlangbawi hna an i ṭawlnak ding caah a si.
Biaknak inn na kal ah hin i ralring. Cu ka i na va kal tikah zeidah kaa cawn khawh lai ti kha ruat deuh, cucu ahmaanmi thil le ahmaan lo mithil a thleidang kho lomi mihrut hna nih an pekchanhmi raithawinak nakin a ṭha deuh.
Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.