EXODUS 30:12 - Lai (Hakha) Common Language Bible 2006

¹² “Israel mi kha na rel hna tikah, mi pakhat nih anmahle an nun man cio kha Bawipa an pek awk a si lai, zeicahtiah milu rel lioah an cungah harnak a tlun sual nakhnga lo, cuticun an pek awk a si lai.

EXODUS 30:12 ပူးပေါင်းရင်းမြစ်များ

1 CHANRELNAK 21:1

Satan nih Israel mi kha a doh hna i David kha Israel mi cu rel awkah a forh.

1 CHANRELNAK 21:12

Kum thum chung mangṭam maw, asiloah na ral nih nangmah kha thla thum chung hrawh maw, cu chungah cun na ral hna vainam nih nangmah cu an in phanh lai; asiloah Bawipa vainam ni thum chung hrem dik, cucu ram chungah rai tlun le Bawipa vancungmi nih Israel chung dihlak ah rawhnak tuah a si lai,” a ti. Cu Gad nih cun David cu, “A ka thlahtu sinah zei bialehnak dah ka kirpi lai, atu ah bia i khiak tuah,” tiah a ti.

1 CHANRELNAK 21:14

Cucaah Bawipa nih Israel mi cungah rai kha a tlunter i Israel mi cu sang sarih an thi.

1 CHANRELNAK 21:3

Sihmanhsehlaw Joab nih a thawh i, “Bawipa nih a mi hna cu atu i nak hin let za khat in chap ko seh! Siangpahrang ka bawipa, annih cu an dihlak tein ka bawipa sal an si ko lo maw? Zeicahdah ka bawipa nih mah hi cu na herh? Zeicahdah Israel mi cungah mawhnak na tlunter lai?” tiah a ti.

1 CHANRELNAK 27:24

Zeruiah fapa Joab nih khan rel hram a thawk, sihmanhsehlaw a dih lo; asinain hi ruang ah hin Israel cungah thinhunnak a tlung i cu relnak cu Siangpahrang David chanrelnak chungah khumh a si lo.

2 CHANRELNAK 24:6

Cucaah siangpahrang nih upa bik Jehoiada kha a auh i, “Bawipa sal Moses nih Israel mi bu cu hngalhternak thlam caah nan thawh lai tiin a timi hna ngunkhuai cu, Judah ram le Jerusalem khuami kha thawhter hna u tiah zeicahdah Levi mi kha na fial hna lo?” tiah a ti.

2 CHANRELNAK 24:9

Cun Pathian sal Moses nih ramlak ah Israel mi cu nan thawh lai ti in a rak timi hna ngunkhuai kha Bawipa ca i rak put awkah, Judah ram le Jerusalem khua ah khan thawng an thanh hna.

JOB 33:24

A thi khomi minung cu a co awk hnga kha petu ding a um ahcun, ‘Leet ṭhan ko, Khor chungah cun vun kalter hlah, A tlanhnak man cu ka hmuh cang,’ a titu a um ahcun,

JOB 36:18

Zu thawthaw kha a pingah i hruaiter hna hlah law Ziknawh kha na biakhiahnak kawiter hlah.

SALM 49:7

Minung nih cun zeitikhmanh ah amah le amah aa tlan kho lo; a nunnak man kha Pathian a cham kho lo;

EXODUS 30:11

Bawipa nih Moses cu a thawh i,

NAMBAR 31:49

Moses sinah cun, “Na sal hna nih kan kut tang i a ummi ralkap hna cu kan rel hna i kannih sinin a baumi pakhat hmanh an um lo.

NAMBAR 31:50

Bawipa hmaiah kannih caah remnak ser awkah Bawipa pekchanhmi thil kannih cio nih kan hmuhmi thil cu kan rak put, sui in sermi thil, bankhih le kutkhih tehna, min khenhnak kutdonghrolh tehna, hnatonh le ṭhi tehna,” tiah an ti.

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

MARKA 10:45

Zeicahtiah Mi Fapa hmanh hi, rian ṭuanpiakmi si awkah ka rat ṭung lo, midang rian ṭuanpiaktu si awk le mi tampi tlanhnak ding ca i ka nunnak pek awkah pei ka rat cu,” tiah a ti hna.

1TIMOTE 2:6

amah cu mi vialte tlanhnak caah a lu aa pemi a si. Cu nih cun, caan a tlin tikah Pathian nih mi vialte kha khamh a duh hna ti kha a langhter i