EXODUS 3:4 - Lai (Hakha) Common Language Bible 2006

⁴ Bawipa nih a rat kha a hmuh tikah, burbuk chung cun Pathian nih cun a hun auh i, “Moses, Moses” tiah a ti i, “Zeidah?” tiah Moses nih cun a leh.

EXODUS 3:4 ပူးပေါင်းရင်းမြစ်များ

GENESIS 22:1

Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “Bawipa, na chimmi bia ka ngai ko,” tiah a leh.

GENESIS 22:11

Bawipa vancungmi nih vancung in a run auh i, “Abraham, Abraham!” tiah a ti. Abraham nih, “Asi, hika ah ka um ko,” tiah a leh.

GENESIS 28:16

Jakob cu a hun i hlau i, “Bawipa cu hika hmun ah hin a um taktak, a hngalh bel ka rak hngal lo i a si,” a ti.

GENESIS 46:2

Pathian nih Israel cu zan ah langhnak in a chawnh i, “Jakob, Jakob,” a ti i anih nih, “Asi, na salpa nih ka ngaih ko,” tiah a leh.

SALM 62:11

Pathian nih, ṭhawnnak cu keimah ta a si i dawtnak ka ngeihmi cu a fek,

EXODUS 19:3

Moses cu tlang cungah khan Pathian ton awkah a hung kal. Tlang cung cun Bawipa nih khan a vun auh i,

EXODUS 3:2

Pathian vancungmi kha meizik bantukin burbuk laifang khan a sinah cun a hung lang. Moses nih cun a hei zoh i burbuk cu a alh hluahmah ko, sihmanhsehlaw a kaang ṭung lo.

EXODUS 33:12

Moses nih Bawipa cu a thawh i, “Hi mi hna hi kha ram ah khan kalpi hna tiah na ka ti taktak, asinain ahodah ka sinah na kalter lai ti kha na ka chim lo. Asinain, ‘Nangmah cu fiang tein kan hngalh i na cungah ka lung a tling,’ na ka ti ṭhiamṭhiam fawn.

EXODUS 4:5

Bawipa nih cun, “Bawipa, an pupa hna Pathian, Abraham Pathian, Isak Pathian, Jakob Pathian na sinah ka langh kha an zumh khawh nakhnga, kha ti khan na va tuah lai,” a ti.

LEVITIKAS 1:1

Bawipa nih Moses cu a kawh i tonnak thlam chungin a chawnh i hi bangin a ti:

LAMKALTU 10:13

Aw pakhat nih a hun thawh i, “Tho tuah, Peter, that hna law ei tuah hna,” tiah a ti.

LAMKALTU 10:3

Ni khat cu zanlei suimilam pathum tluk ah khin langhnak a hmu i cu langhnak a hmuhmi ah cun Pathian vancungmi pakhat a rung luh i, “Kornelias,” tiah a rung chawnh kha fiang tein a hmuh.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

DEUTERONOMI 33:16

Vawlei le a cungah a ummi thil vialte hna an laksawng ṭha bik le, Burbuk chungah a ummi duhdawtnak cu, Hi thluachuahnak hna cu Josef lu cungah rung ṭum hna seh, A unau hna lak i bawi a simi luthlung cungah cun, rung tum hna seh.

1 SAMUEL 3:10

Cun Bawipa cu a ra i a rung dir i voi dang bantuk khan, “Samuel! Samuel!” tiah a auh. Cun Samuel nih, “Chim ko, zeitintiah na sal nih a theih,” tiah a ti.

1 SAMUEL 3:4

Cun Bawipa nih, “Samuel! Samuel!” tiah a kawh i anih nih, “Hika ah hin ka um!” tiah a ti.

1 SAMUEL 3:6

Cun Bawipa nih, “Samuel!” tiah a auh ṭhan. Cun Samuel cu a tho i Eli sinah a va kal i, “Hika ah hin ka um, na ka auh caah,” tiah a ti. Sihmanhsehlaw anih nih, “Kan au lo, ka fapa, va it ṭhan ko,” tiah a ti.

1 SAMUEL 3:8

Cun Bawipa nih Samuel cu a voi thumnak a kawh ṭhan. Cun a tho i Eli sinah khan a va kal i, “Hika ah hin ka um, na ka auh caah,” a va ti. Bawipa nih ngakchiapa kha a auh tiah khi tikah Eli nih a hun hngalh.