EXODUS 3:17 - Lai (Hakha) Common Language Bible 2006

¹⁷ cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si,” a ti,’ tiah va chim hna.

EXODUS 3:17 ပူးပေါင်းရင်းမြစ်များ

GENESIS 46:4

Izipt ram ah cun ka vun in kalpi lai i na tefa cu hika ah hin ka kirpi ṭhan hna lai. Na thih tikah Josef nih an umpi lai,” a ti.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

GENESIS 50:25

Cun Josef nih cun Israel fapale kha bia a kamter hna i, “Pathian nih nannih kha ka chim bantuk cun an bawmh hna tikah ka ruh hi hi hmun hin nan sinah i kalpi hrimhrim dingin bia ka kam u,” a ti hna.

1 CHANRELNAK 1:15

Hiv mi hna le Arki mi hna le Sin mi hna le

SALM 102:21

Cucaah Bawipa min cu mi nih Zion ah an chim lai i Jerusalem ah amah cu an lawmh lai;

EXODUS 13:5

Kanaan mi le Hit mi le Amor mi le Hiv mi le Jabus mi an umnak ram kha nanmah pek awkah Bawipa nih nan pupa cu fek tein bia a rak kamh hna. Cu ram cu ram rum le ram ṭha a si. Cu ram chung an phakpi hna tikah hi thla ṭhiamṭhiam ah hin hi phunglam hi nan ulh lai.

EXODUS 32:34

Atu cu va kal law kan chimhmi hmun leiah khan mi cu va kalpi ko hna. Ka vancungmi nih lam an hruai hna lai kha va philh hlah, asinain an cung i rian ṭuan awkah ka rat tikah cun, an sual ruangah dan ka tat hna lai,” a ti.

EXODUS 33:3

A ram a rum i a vawlei a ṭhami ram ah nan kal lai. Asinain keimah nih cun kan kalpi hna lai lo, zeicahtiah milungṭhawng nan si i lampi ah kan thah dih sual hna hnga,” a ti.

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

JEREMIAH 11:5

Cuticun nan pupa hna sinah, cawhnuk le khuaihliti in a luangmi ram kan pek hna lai, ti in bia ka rak kammi kha, ka tlinter lai; cu ram cu atu i nan comi ram hi a si, tiah a ti, tiin. Cun kei nih ka leh i, “Cu bantuk cun si ko seh Bawipa,” tiah ka ti.

JEREMIAH 32:22

Cun an pupa hna sinah chiatser in na kammi hi ram, khuaihliti le cawhnuk in a luangmi ram hi annih cu na pek hna.

EZEKIEL 20:6

Khi ni ah khan kut hler in chiat ka ser i Izipt ram in kan chuahpi hna lai i nan caah ka thimmi, cawhnuk le khuaihliti in a luangmi ram, ram vialte lak i ram ṭha cem ah cun kan luhpi hna lai, ka ti.

LEVITIKAS 20:24

Sihmanhsehlaw nannih sinah cun, ‘An ram cu nan co lai i nan co awkah kan pek hna lai, cawhnuk le khuaihliti in a luangmi ram cu,’ tiah ka ti. Keimah hi Bawipa nan Pathian, mi hna sinin an thleidangtu hna cu ka si.

NAMBAR 13:27

Cun annih nih amah cu, “Na kan thlahnak ram cu kan va phan; cawhnuk le khuaihliti in a luang i mah hihi a theitlai cu an si.

DEUTERONOMI 26:9

Cun hi hmun ah hin a kan luhpi i hi ram, cawhnuk le khuaihliti in a luangmi hi, a kan pek.

DEUTERONOMI 6:3

Cucaah, maw Israel, Bawipa na pupa Pathian nih bia an kam bangin, cawhnuk le khuaihliti in a luangmi ram chungah cun, nan i remrel i tam piin nan karh nakhnga, thei tuah law, ṭha tein zul tuah hna u.

JOSHUA 24:11

Cun Jordan tiva kha nan tan i Jeriko kha nan phan i Jeriko khuami hna le Amor mi hna, Periz mi hna, Kanaan mi hna, Hit mi hna, Girgash mi hna, Hiv mi hna le Jebus mi hna zong nih nannih kha an rak in doh hna; annih cu nan kut chungah kan pek hna.

JOSHUA 5:6

Bawipa aw kha an rak ngaih lo caah, an phun ningin, Izipt ram in a chuakmi ralkap vialte, an rawh dih hlantiang, Israel mi hna cu ramlak ah khan kum sawm li an rak vai; kannih pek awkah Bawipa nih kan pupa hna sinah chiat a sermi, cawhnuk le khuaihliti in a luangmi ram kha annih nih hmu lo dingin annih sinah Bawipa nih chiat a ser.

JOSHUA 9:1

Jordan tiva ral tlangram le rawnram Rili Ngan kam ram thluahmah in Lebanon tlang tiang i a ummi Hit mi hna le Amor mi hna le Kanaan mi hna le Periz mi hna le Hiv mi hna le Jebus mi hna siangpahrang vialte hna nih mah hi kong cu an theih tikah,