EXODUS 3:16 - Lai (Hakha) Common Language Bible 2006

¹⁶ Va kal law Israel mi hruaitu pawl vialte kha va pum hna law, ‘Bawipa, nan pupa hna Pathian, Abraham Pathian, Isak Pathian, Jakob Pathian kha ka sinah a lang i, “Nan sinah ka ra i Izipt mi hna nih nan cungah zeidah an tuah ti kha ka hmuh cang;

EXODUS 3:16 ပူးပေါင်းရင်းမြစ်များ

GENESIS 1:7

Cuticun Pathian nih cun van kuai cu a ser i a tang i a ummi ti le a cung i a ummi ti cu a ṭhen hna;

GENESIS 21:1

Bawipa nih bia aa kam bang khan Sarah cu a bawmh i

GENESIS 28:13

Cun Bawipa nih cun, “Keimah hi Bawipa, Abraham le Isak Pathian kha ka si. Na ihnak ram hi nangmah le na tefa kha kan pek hna lai.

GENESIS 48:15

Thluachuahnak a pek hna i: Ka pu Abraham le ka pa Isak, a hmaiah a rak umtertu hna Pathian nih hi ngakchia hi thluachuah pe ko hna seh. Nihin ni tiangin a ka hruai zungzaltu Pathian nih thluachuah vanluh pe ko hna seh.

GENESIS 50:24

A unau pawl kha a thawh hna i, “Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai,” a ti.

SALM 102:21

Cucaah Bawipa min cu mi nih Zion ah an chim lai i Jerusalem ah amah cu an lawmh lai;

SALM 33:18

Bawipa nih amah a ṭihmi cu a zohkhenh hna i a fekmi a dawtnak aa bochanmi cu him tein a umter hna.

SALM 8:4

minung hi zeidah a si i na hnakkar ah na tenh? Minung menmen a simi hi zeidah a si i a zawn na ruah? ti hi ka ruat.

EXODUS 1:8

Siangpahrang thar, Josef a hngal lomi kha Izipt ram ah khan a hung bawi.

EXODUS 13:19

Josef nih Israel mi cu fek tein bia a kamter hna bantuk khan, Moses nih Josef ruh cu a kalpi. Josef nih khan zeitindah a rak ti tiah, “Pathian nih an bawmh hrimhrim hna lai; cu tikah ka ruh cu hika hmun hin nan sinah nan i kalpi lai,” a rak ti.

EXODUS 15:14

Miphun dang nih khan cucu an theih i a ther in an ther; nau nganfah bantuk a simi ṭihnak nih Filistin mi cu a tlaih hna.

EXODUS 17:5

Bawipa nih Moses cu a thawh i, “Israel mi hruaitu pawl kha tlawmpal in i sawm hna law zapi hmaiah va kal u. Tiva na tuknak na ṭhiangṭhunh kha i lak law va kal.

EXODUS 18:12

Cun Jethro nih cun Pathian caah raithawi awk a hun i phorhmi le khanghthawinak a hun i phorhmi cu an thawi hna i Aaron le Israel mi hruaitu pawl vialte cu Moses pu sinah cun an ra i Pathian hmaika ah rawl kha an ei ṭi hna.

EXODUS 2:25

Israel mi sal an sinak kha a hmuh i annih sinah khan aa hngalhter.

EXODUS 24:11

Israel mi hruaitu pawl kha harnak zeihmanh a pe hna lo; Pathian kha an hmuh i an ei i an ding.

EXODUS 3:2

Pathian vancungmi kha meizik bantukin burbuk laifang khan a sinah cun a hung lang. Moses nih cun a hei zoh i burbuk cu a alh hluahmah ko, sihmanhsehlaw a kaang ṭung lo.

EXODUS 3:6

Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a ṭih caah a hmai kha aa khuh.

EXODUS 4:1

Moses nih cun a leh i, “Israel mi nih an ka zumh lo i ka chimmi an ngaih duh lo i, ‘Bawipa cu na sinah a lang pek lai lo,’ an ka ti ah tah zeitindah ka tuah lai?” a ti.

EXODUS 4:29

Moses le Aaron cu an va kal i Israel mi hruaitu vialte kha an pumh hna.

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

EXODUS 4:5

Bawipa nih cun, “Bawipa, an pupa hna Pathian, Abraham Pathian, Isak Pathian, Jakob Pathian na sinah ka langh kha an zumh khawh nakhnga, kha ti khan na va tuah lai,” a ti.

MATTHAI 26:3

Cun tlangbawi upa pawl le Judah mi upa hna kha Tlangbawi Ngan Kaiafas innpi ah cun an i pum i

LUKA 1:68

“Bawipa, Israel Pathian cu thangṭhat u sih. A mi hna bawmh awkah a ra cang i a luatter cang hna.

LUKA 19:44

Nangmah le na vampang kulh chung i a ummi minung hna cu an in hrawh dih cikcek hna lai: Pathian cu nangmah khamh awkah a rat caan kha na hngalh lo caah cuka hmun ah cun aa chonhmi lung pakhat hmanh leh loin an kaltakmi a um lai lo.”

LAMKALTU 11:30

Cuticun an tuah i tangka cu khrihfa upa hna sinah khan Barnabas le Saul kut in an kuat.

LAMKALTU 15:14

Simon nih, zeitluk in dah Pathian nih Jentail mi kha an zawn a ruah hna ti cu a kan chimh cang i cu a langhnak cu anmah lakin amah min putu dingah mi aa thimmi hna hi a si.

LAMKALTU 20:17

Paul nih Miletas khua khan mi a thlah hna i Efesa khua khrihfa upa kha rak ka tong hna seh tiah bia a cah hna.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

RUTH 1:6

Cun a fapale nupi hna he khan tiah kir ṭhan awkah Moab ram khan aa thawh, zeitintiah Bawipa nih a mi kha a len cang hna i rawl a pek hna ti kha, Moab ram chung khan a theih.