EXODUS 3:12 - Lai (Hakha) Common Language Bible 2006

¹² Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

EXODUS 3:12 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

GENESIS 15:8

Sihmanhsehlaw Abram nih cun, “Maw Bawipa Pathian, cucu ka ta a si lai ti cu zeitindah ka hngalh khawh lai?” a ti.

GENESIS 26:3

Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.

GENESIS 31:3

Cun Bawipa nih khan, “Na pupa hna le na rualchan hna ram ah khan kir cang. Na sinah ka um lai,” a ti.

2 SIANGPAHRANG 19:29

Cun Isaiah nih Siangpahrang Hezekiah cu, hihi nangmah caah hmelchunhnak a si lai, a ti: tukum le kumvoi cu rawl a hlih nan i rinh lai; asinain a kum thumnak ah cun rawl kha nan tuh lai, nan ṭuan lai; mitsur dum kha nan ser hna lai i an theitlai kha nan ei hna lai.

1 CHANRELNAK 9:20

Cun hlan ah cun annih a rak uktu hna cu Eleazar fapa Phinehas kha a si; amah sinah cun Pathian a um.

SALM 86:17

Bawipa, na ṭhatnak kha ka cungah langhter ko, cu tikah keimah a ka huami hna nih khan hnangamnak le bawmhnak na ka pek kha an hmuh lai i an ning a zak lai.

EXODUS 18:5

Jethro cu Moses nupi le fapa hna he khan Moseste an riahnak thetse ram chung Bawipa tlang ah khan a ra.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

EXODUS 3:13

Moses nih Pathian cu a thawh i, “Israel mi hna sinah ka va kal i, ‘Nan pupa hna Pathian nih nan sinah a ka thlah,’ ka va ti hna tikah, ‘Ahodah a min a si?’ tiah an rak ka hal lai, cu tikah zei a si ti ah dah ka leh hna lai?” a ti.

EXODUS 33:14

Bawipa nih cun a thawh i, “Na sinah keimah ka kal lai i teinak kan pek lai,” a ti.

EXODUS 4:12

Cucaah cun va kal ko; na holhnak ah kan bawmh lai i na chim ding kha kan chimh lai,” a ti.

EXODUS 4:15

Amah kha chim ding cu na chimh lai. Nan pahnih in chim awk kha kan bawmh hna lai i nan pahnih in nan tuah awk kha kan chimh hna lai.

EXODUS 8:27

Cucaah cun Bawipa kan Pathian nih a kan fial bantukin thetse ram chung ni thum lamkal ah kan kal hrimhrim awk a si lai i cuka ah cun Bawipa kan Pathian sinah khan rai cu kan vaa thawi lai,” a ti.

ISAIAH 37:30

Cun Isaiah nih khan Siangpahrang Hezekiah cu a thawh i, “Hmailei ah a tlung dingmi thil hmelchunhnak cu hihi a si lai. Tukum le kumvoi cu rawl a hlih nan i rinh lai, sihmanhsehlaw a kum thumnak ah cun anmahte in a khomi rawl lawng kha nan ei lai, sihmanhsehlaw cu kum a hun changtu kum ah cun rawl kha nan cin khawh lai i nan zun khawh lai, mitsur ruang kha nan zun khawh lai, mitsur ruang kha nan phun khawh hna lai i an thei kha nan ei khawh hna lai.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

JEREMIAH 1:8

Annih cu ahohmanh ṭih hna hlah. Zeicahtiah na sinah ka um i kan huhphenh lai”, tiah Bawipa nih a ti.”

NAMBAR 16:28

Cun Moses nih, “Keimah thinlung i a chuak chom in si loin, Bawipa nih pei mah rianṭuan awkah hin a ka thlah tiah ti kha mah hi hin nannih nih nan hngalh lai.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

MARKA 16:20

A zultu kha khuazakip ah an kal i thawngṭhabia kha an chim; Pathian nih an sinin rian a ṭuan i an phungchimmi kha ahmaan, tiah ṭhawnnak hmelchunhnak a pekmi hna thawngin a langhter.] [9 Nu hna kha Peter le a hawile sinah khan an va kal i vancungmi nih a rak chimhmi hna kha a tawinak in an chimh hna. 10 Cu hnuah cun Jesuh hrimhrim nih, nichuahlei in nitlaklei tiang, zungzal a hmunmi khamhnak kong bia nung le bia thiang cu a zultu hna thawng khan a thanh.]

LAMKALTU 11:21

Bawipa ṭhawnnak kha an sinah a um i mi tampi nih an zumh i Bawipa leiah khan an i mer.

LAMKALTU 7:7

Sihmanhsehlaw an rianhmi hna miphun cu bia ka ceih hna lai,’ ti hi a si i, ‘Cun a hnuah cu ram cun an chuak lai i hi hmun ah hin an ka biak lai,’ ti zongah Pathian nih cun a ti fawn.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

DEUTERONOMI 31:23

Cun Bawipa nih Nun fapa Joshua kha rian a pek i, “Ṭhawng law, na ral ṭha tuah; zeitintiah Israel fale hna cu annih pek awkah chiat ka sermi ram chungah na luhpi hna lai; nangmah sinah ka um lai,” tiah a ti.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

BIACEIHTU 6:12

Cun Bawipa vancungmi cu a sinah a lang i a sinah, “Bawipa cu na sinah a um, nang a ṭhawng i ralṭha pa,” tiah a ti.

BIACEIHTU 6:16

Cun Bawipa nih a chawnh i, “Sihmanhsehlaw nangmah sinah ka um lai i Midian mi hna cu mi pakhat tluk ceu in na thah dih ko hna lai,” tiah a ti.

BIACEIHTU 6:17

Cun anih nih, “Nangmah sinah mithmai ṭha ka hmuh a si ahcun, nangmah cu a ka chawntu na si tinak ah hmelchunhnak pakhat ka hmuksak tuah.

BIACEIHTU 6:21

Khi tikah Bawipa vancungmi nih a kut i aa putmi ṭhiangṭhunh par cun, sa le thilnu cawh lo changreu kha a hei sawh hna i a tawngh hna; cun lung cun mei a tho i sa le thilnu cawh lo changreu cu a kangh dih hna; cun Bawipa vancungmi cu a mit hmuh lo ah a lo.

BIACEIHTU 7:11

cun annih nih an chimmi kha nan theih lai i cu hnuah cun an riahhmun cu vung doh awkah na kut cu ṭhawnter an si lai,” tiah a ti. Cun a sinum Purah he khan riahhmun chung i a ummi hriampumi hna ralven buk ah khan an vung kal.

1 SAMUEL 14:10

Sihmanhsehlaw annih nih, ‘Kan sinah hung tuah u,’ an ti ahcun, kan hung kal lai; zeitintiah mah hihi Bawipa nih annih cu kan kut chungah a kan pek cang ti hmelchunhnak a si lai,” tiah a ti.