EXODUS 28:3 - Lai (Hakha) Common Language Bible 2006

³ Keimah nih thiamnak ka pekmi hna zungthiam vialte kha Aaron thuam cu serter hna law Aaron nih cun ka tlangbawi rian cu ṭuan seh.

EXODUS 28:3 ပူးပေါင်းရင်းမြစ်များ

1 SIANGPAHRANG 7:14

Amah cu Naftali phun chung i nuhmei pakhat i a fapa a si i a pa cu Tair mi a si, amah cu dar lei i zungthiam a si; amah cu dar leiah cun fimnak le hngalhthiamnak le zung thiamnak in a khatmi a si. Siangpahrang Solomon sinah khan a ra i a rian vialte kha a ṭuanpiak.

EXODUS 35:10

“Nan lak i zungthiam paohpaoh kha nan ra lai i Bawipa fialmi vialte kha nan ser hna lai. Cu nan ser ding cu hi hna hi an si:

EXODUS 35:25

Cun nu zungthiam vialte nih khan la dum, la sendung, tuuhmul sen, khumla hmangṭhia, kha an ser hna i an rak put hna.

EXODUS 35:30

Moses nih Israel mi cu a thawh hna i, “Bawipa nih Judah phun chung mi Hur fapa Uri fapa Bezalel kha a thim cang.

EXODUS 35:31

Amah cu Bawipa nih Pathian Thlarau in a khahter caah thil dawh a phunphun ser khawhnak thiamnak le thil ti khawhnak le hngalhnak kha a ngei i

EXODUS 35:35

Lung ṭialtu hna le pungsan suai thiammi hna le tuuhmul a dum, a sendung, a sen le khumla hmang ṭhia tah a thiammi hna le puantah thiammi hna zungthiamnak kha, thil a phunphun an tuah khawh nakhnga a pek hna. Thil a phunphun kha an tuah khawh i pungsan suai thiam ngaingaimi an si.

EXODUS 36:1

“Bazalel le Oholiab le Bawipa nih thiamnak le hngalhnak a pekmi zungthiammi vialte hna, biakinn saknak caah a herhmi thil paohpaoh tuah a thiammi hna nih khan, zeizong vialte cu Bawipa nih a chimning tein an ser awk a si lai,” a ti hna.

EXODUS 36:2

Moses nih Bezalel le Oholiab le Bawipa nih thiamnak a pekmi zungthiam pawl vialte, rianṭuan awk caah timhcia in a ummi vialte hna kha a auh hna i rian cu thawk cang u tiah a ti hna.

PHUNGTHLÛKBIA 2:6

Zeicahtiah Bawipa nih cun fimnak kha a pek hna i hngalhnak le hngalhthiamnak kha a cawnpiak hna.

ISAIAH 11:2

A mi kha a uk khawh hna nakhnga Bawipa ṭhawnnak nih amah cu fimnak le hngalhnak le thiamnak a pek lai. Bawipa duhnak kha zeidah a si ti a hngalh lai i Bawipa cu a ṭih lai.

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

DEUTERONOMI 34:9

Cun Nun fapa Joshua cu, Moses nih a cungah a kut a chuan caah, fimnak thlarau in a khat; cucaah Israel mi nih a bia an ngaih i Bawipa nih Moses nawl a pek bang khan an tuah.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.